Memleket basshysyna «Qazaqtelekom» aksıonerlik qoǵamynyń 2019 jylǵy qortyndylary jaıynda baıandalyp, Smart sity tujyrymdamasynyń oryndalý barysy, «Smart Aqkól» jobasy boıynsha atqarylyp jatqan jumystar týraly aıtyldy. Bul týraly Aqordanyń baspasóz qyzmeti habarlady.
Sonymen qatar Qýanyshbek Esekeev Qazaqstan Prezıdentine «Qazaqtelekom» aksıonerlik qoǵamynyń «Kcell» jáne «Tele2» kompanııalarynyń aksııalaryn satyp alǵany, olardyń jumysyn ıntegrasııalaý sharalary, mobıldi qyzmet jobasynyń júzege asyrylýy jóninde de málimet berdi.
Kezdesý sońynda Qasym-Jomart Toqaev Qýanyshbek Esekeevke eldi mekenderdi tolyqtaı mobıldi baılanyspen qamtamasyz etip, aýyldardaǵy mektepter men medısınalyq pýnktterge ınternet jelisin jetkizýdi, sondaı-aq, olardyń baǵasyn qymbattatpaýdy tapsyrdy.