Ýálıhan Qalıjan Almaty oblysynyń Jambyl aýdanyndaǵy Besmoınaq aýylynda dúnıege kelgen. Almatydaǵy № 12 mektep-ınternatta oqyp, 1966 jyly Qazaq memlekettik ýnıversıtetiniń fılologııa fakýltetine oqýǵa túsedi. Osy joǵary oqý ornyn támamdaǵan soń eńbek jolyn Almaty oblystyq «Jetisý» gazetinen bastap, syrttaı aspırantýrada oqydy. 1978 jyly «Aqmolla aqynnyń ómiri men tvorchestvosy» atty taqyrypta kandıdattyq dıssertasııa qorǵady.
Sol jyly Qazaqstan LKSM Ortalyq Komıtetinde nusqaýshy, odan soń baspasóz sektorynyń meńgerýshisi qyzmetin atqardy. 1980-1986 jyldary respýblıkalyq «Ulan»
(«Qazaqstan pıoneri»); 1986-1994 jyldary respýblıkalyq «Lenınshil jas» (qazirgi «Jas Alash») gazetteriniń bas redaktory bolyp jumys istedi.
1994 jyly respýblıka Joǵarǵy Keńesiniń depýtaty bolyp saılandy. 1995 jyly Qazaqstan Respýblıkasy Baspasóz jáne buqaralyq aqparat quraldary mınıstriniń orynbasarlyǵyna taǵaıyndalyp, odan soń Qazaqstan Respýblıkasy Prezıdent Ákimshiliginiń Ishki saıasat bólimi meńgerýshisiniń orynbasary qyzmetine keldi. 1996 jyly «Egemen Qazaqstan» gazetiniń bas redaktory boldy. QR Parlamenti Májilistiń II, III, IV shyqyrylymdarynyń depýtaty.
Ý. Qalıjan – respýblıkaǵa tanymal qoǵam jáne ǵylym qaıratkeri. Ol – fılologııa ǵylymdarynyń doktory, Qazaqstan Respýblıkasy Gýmanıtarlyq ǵylymdar akademııasynyń akademıgi, Qazaqstan Jazýshylar odaǵynyń múshesi. Onyń «Senimen jáne sensiz», «Sheńber», «Prezıdent» atty kitaptary oqyrmandardan jaqsy baǵa alǵan shyǵarmalar.