Germanııadaǵy atystan 8 adam mert bolyp, 5 adam jaraqattandy. Bul týraly Deutsche Welleg habarlady.
Batys Germanııa polıseıleri Hanaý qalasynda 8 adamdy atyp ketken qylmyskerlerdi izdestirýdi bastady.
Germanııanyń Hanaý qalasynda sársenbi kúni keshke eki jerde bolǵan atys saldarynan 8 adam mert bolyp, taǵy 5 adam jaraqat aldy. Bul týraly Hanaýdaǵy jergilikti polısııa ókilderi habarlady.
Oqıǵa 19 aqpan kúni keshki saǵat 10:00 shamasynda qalanyń ártúrli bóliginde ornalasqan eki kalıan barynda bolǵan. Qylmyskerler qalanyń ortasyndaǵy birinshi barda atys qarýynan úsh adamdy óltirdi. Sodan keıin Kesselshtadt aýdanyndaǵy ekinshi kalıan baryna baryp, bes adamnyń ómirin qıdy.
Bılik ókilderi aýdandy tolyǵymen qorshaýǵa aldy, polısııa olardy izdestirip jatyr. Oqıǵanyń sebebi túsiniksiz, polısııa azamattardy oqıǵaǵa qatysty qandaı bir málimet bolsa – quqyq qorǵaý organdarymen baılanysýǵa shaqyrdy.