Elorda ákimi Altaı Kólginov Nur Otan partııasynyń qalalyq fılıalynda azamattardy qabyldady. Turǵyn úı-kommýnaldyq sharýashylyǵy, turǵyn úı baǵdarlamasyna qatysý, medısınalyq jáne ataýly áleýmettik kómek, jumysqa turý, úlestik qurylys nysandaryn aıaqtaý jáne taǵy basqa máseleler kóterildi. Bul týraly Nur-Sultan qalasy ákimdiginiń baspasóz qyzmeti habarlady.
Qala turǵyny E. Nazıpa ashyqtyq pen qoljetimdilik qasıetteri úshin jaýapty memlekettik organdarǵa alǵysyn bildirdi. «Suraqtar árdaıym óz sheshimin tabady» dedi ol.
Sondaı-aq qabyldaýǵa kelgen turǵyndar úlestik qurylys máselelerin kóterdi. Bıyl qurylysy uzaqqa sozylǵan 20 turǵyn úı kesheniniń qurylysyn aıaqtap, paıdalanýǵa berý josparlanyp otyr. Bul shamamen 8 myń úleskerdiń máselesin sheshýge kómektesedi. 2019 jyly 10 turǵyn úı kesheni paıdalanýǵa berildi.
Elorda ákimdigi turaqty negizde azamattardy qabyldaıdy. О́tinish bildirgen máselelerdiń basym bóligi sheshildi, qalǵandary baqylaýǵa alyndy.