«Ǵylym ordasy» RMK-nyń Sırek kezdesetin kitaptar mýzeıi uly Abaıdyń 175 jyldyǵyna oraı «Bilimdiden shyqqan sóz talaptyǵa bolsyn kez...» taqyrybynda kóshpeli kórme ashyldy. Kórmege Semeı qalasy Abaıdyń «Jıdebaı-Bórili» memlekettik tarıhı-mádenı jáne memorıaldyq qoryq-mýzeıi qorynan ákelingen jádigerler qoıyldy.
Saltanatty jıynnyń alǵy sózin «Ǵylym ordasy» RMK bas dırektorynyń ǵylym jáne halyqaralyq baılanys jónindegi orynbasary N.Seıdin, Abaı mýzeıiniń ǵylymı hatshysy R.Elekenova bastap, Abaı mýzeıiniń qyzmetkeri N.Boranbaev kórmemen tanystyrdy. Kórmege mýzeı qoryndaǵy qundy qoljazbalar men arhıvtik derekter, Abaıdyń «Tumar» dombyrasy jáne 1885 jyly tarıhı-ólketaný mýzeıine tapsyrǵan jádigerlerimen qatar mýzeı baspasynyń basylymdary qoıyldy.
Kórmede sonymen qatar Abaıdyń ómir súrgen kezeń men sol zamandaǵy tarıhı tulǵalar týraly derekter kórsetilgen taqtalar ornatyldy. Shara barysynda «Ǵylym ordasy» RMK basshylyǵy Abaı mýzeıiniń ujymyna alǵys bildirip, atalǵan kórmeniń uıymdastyrýshylary men mekeme basshylaryna alǵys hattar tabys etti.
«Jıdeli-Bóribaı» memlekettik tarıhı-mádenı jáne ádebı-memorıaldyq qoryq-mýzeıiniń ǵylymı hatshysy Raýshan Elekenovanyń aıtýynsha, kórme jádigerleriniń ishinde sonymen qatar 80 jyldyq tarıhy bar qara shańyraqtyń tarıhy men abaıtaný ǵylymynyń damýy haqyndaǵy mol maǵlumattar bar.
ALMATY