Beeline men ScrumTrek kompanııasy ártúrli saladaǵy Agile ádistemesine qatysty konferensııa ótkizdi. Qazaqstan, Reseı jáne Qyrǵyzstannan jınalǵan sarapshylar óz tájirıbelerin bólisip, naryqtyń ártúrli salasynda Agile jumysynyń qaǵıdalaryn qoldaný múmkindigin talqylady, bıznes-ıkemdilikke degen evolıýsııalyq qadamdardy tanystyrdy. Bul týraly kompanııanyń baspasóz qyzmeti habarlady.
Agile ádistemesi – jumys úderisin uıymdastyrýdyń jańa ozyq tásili, ol IT salasy men ınnovasııalyq sheshimder jasalatyn jáne ózgeristerge qaraı shuǵyl sheshim qabyldaýdy qajet etetin salalarda asa ózekti. Bul oraıda, ádisteme operasııa shyǵyndaryn azaıtýǵa, úderister men jobalardy uıymdastyrýdy ońtaılandyrýǵa, sondaı-aq júzege asyrýǵa jáne onyń ýaqytyna jıi áser etetin artyq bıýrokratııadan qutylýǵa múmkindik beredi. Agile qaǵıdalary marketıng, jobalardy basqarý, servısti jetildirý, qarjy salalarynda qoldanylady.
«Beeline telekommýnıkasııa naryǵynda ǵana emes, sonymen qatar ishki jumys úderisterin uıymdastyrýda da jańa baǵyttardy belsendi qoldanyp, damytady. Agile ádistemesin qoldaný ártúrli jobany júzege asyrý merzimine oń áser etip, jalpy jaqsy nátıje berdi. Mobıldi qosymshalardy jasaýshylarymyzben jáne basqa IT mamandarmen osy formatta jumys istegen – bıýrokratııalyq úderisterdiń ornyna, damý, jańa, ári qyzyqty mindetter men jasaqtamalardy júzege asyrý asa qyzyq boldy», - dedi Beeline Qazaqstannyń Agile transformasııasy qyzmetiniń jetekshisi Marat Júnisov.