Almatynyń Bas sanıtarlyq dárigeri: «Koronavırýstyń aldyn alýdyń basty sharty – adam kóp jınalatyn jerlerden aýlaq bolý» deıdi.
Almatyda koronavırýs ınfeksııasynyń taralýynyń aldyn alý maqsatynda qaýipti aımaqtardan kelgen barlyq adamdarǵa kúsheıtilgen baqylaý júrgizilip otyr.
Búginde koronavırýsty ınfeksııa Qytaıdan basqa 26 elde tirkelgen. Bıylǵy aqpan aıynan bastap Almaty qalasynyń áýejaıyna keletin barlyq halyqaralyq reısterge kúsheıtilgen sanıtarlyq-karantındik baqylaý júrgizilýde.
Qazirgi ýaqytta koronavırýs tirkelgen elderge týr uıymdastyratyn týroperatorlardyń qyzmeti toqtatyldy.
Koronavırýsty juqtyrý jaǵdaılary anyqtalǵan elderdiń tizbesi: Sıngapýr, Japonııa, Ońtústik Koreıa, Taıland, Malaızııa, Vetnam, Germanııa, Avstralııa, AQSh, Fransııa, Ulybrıtanııa, BAÁ, Kanada, Úndistan, Fılıppın, Italııa, Ispanııa, Iran, Reseı, Fınlıandııa, Nepal, Kambodja, Shrı-Lanka, Shvesııa, Belgııa, Egıpet.
Almaty qalasy Taýarlar men qyzmetterdiń sapasy men qaýipsizdigin baqylaý departamentiniń basshysy Aızat Moldaǵasymova atap ótkendeı, aldyn alý sharalaryna basa nazar aýdarý qajet. Tumaý men JRVI-men syrqattanýdyń órship turǵan kezeńin, sondaı-aq birqatar shet elderde koronavırýs aýrýlarynyń artýyn eskere otyryp, turǵyndarǵa vırýstyq aýrýlardyń aldyn alý sharalaryn saqtaý jáne adam kóp jınalatyn jerden aýlaq bolý usynylady.
Almatyda koronavırýs jaǵdaıy tirkelgen joq. Almaty qalasy ákiminiń orynbasary ErjanBabaqumarovtyń tóraǵalyǵymen koronavırýstyq ınfeksııanyń taralýynyń aldyn alý jónindegi О́ńirlik shtab áýejaı aýmaǵyndaǵy ótkizý pýnktterinde, temir jol stansalarynda, avtokólik ótkelderinde laýazymdy tulǵalardyń ózara is-qımyl algorıtiminiń saqtalýyna baqylaý qoıylǵan.Shaharda medısınalyq quraldar, onyń ishinde betperdeler qory jetkilikti.
Suraqtar týyndaǵan jaǵdaıda 1406 nómiri boıynsha habarlasýǵa bolady.