Elorda ákimi Altaı Kólginov №82 «Daryn» mamandandyrylǵan lıseıine bardy. Ákimniń tapsyrmasyna sáıkes oqý ornynda STEM-zerthanasy men robototehnıka kabıneti ashyldy. Bul týraly Nur-Sultan qalasy ákimdiginiń baspasóz qyzmeti habarlady.
Oqýshylar sabaqta 3D-nysandar jasaıdy. Robottardy ǵylymı-tehnıkalyq bilim alýda qoldanady. Kabınetterde stanoktar, 3D-prınter ornatylǵan. Sonymen qatar, qalalyq mektepterdiń kabınetteri ınteraktıvti taqtalarmen jabdyqtalǵan.
Sondaı-aq, qala ákimi bıyl ashylǵan №95 balabaqshaǵa bardy. Qala ákimi Altaı Kólginov balalarǵa ata-analary men tárbıeshilerin tyńdap, jaqsy bilim alýlaryn tiledi. Ákimdik qalanyń bilim berý mekemelerine barlyq qajetti kómek kórsetetinin atap ótti.Materıaldardy qandaı da bir jolmen paıdalanýǵa – Nur-Sultan qalasynyń resmı saıtyna belsendi gıpersilteme bolǵan jaǵdaıda jol beriledi http://astana.gov.kz/kz/news/news/21771