2013 jylǵy 28 mamyrAstana qalasy
Monopolııalyq joǵary baǵany anyqtaý jónindegi ádistemeni bekitý týraly
2013 jylǵy 28 mamyrAstana qalasy
Monopolııalyq joǵary baǵany anyqtaý jónindegi ádistemeni bekitý týraly
«Básekelestik týraly» Qazaqstan Respýblıkasy Zańynyń 39-babynyń 16) tarmaqshasyna sáıkes buıyramyn:
1. Qosa berilip otyrǵan Monopolııalyq joǵary baǵany anyqtaý jónindegi ádisteme bekitilsin.
2. Qazaqstan Respýblıkasy Básekelestikti qorǵaý agenttiginiń (Monopolııaǵa qarsy agenttik) (budan ári – Agenttik) Tergeý departamenti (Á.N. Hatıev) men Agenttiktiń Zań qyzmeti departamenti (A.M. Qanapın) osy buıryqtyń zańnamada belgilengen tártippen Qazaqstan Respýblıkasy Ádilet mınıstrliginde memlekettik tirkelýin jáne resmı jarııalanýyn qamtamasyz etsin.
3. Agenttiktiń Ákimshilik departamenti (Q.M. Qaldyqaraev) osy buıryqty Agenttiktiń qurylymdyq jáne aýmaqtyq bólimsheleriniń nazaryna jetkizsin.
4. Osy buıryqtyń oryndalýyn baqylaý Agenttik tóraǵasynyń orynbasary Á.B. Mátishevke júktelsin.
5. Osy buıryq alǵashqy resmı jarııalanǵan kúninen bastap qoldanysqa engiziledi.
Tóraǵa B.QÝANDYQOV
Qazaqstan Respýblıkasy Básekelestikti qorǵaý agenttigi
(Monopolııaǵa qarsy agenttik) tóraǵasynyń
2013 jylǵy 28 mamyrdaǵy № 140 – NQ buıryǵymen bekitilgen
Monopolııalyq joǵary baǵany anyqtaý jónindegi ádisteme
1. Monopolııalyq joǵary baǵany anyqtaý jónindegi ádisteme (budan ári – Ádisteme) «Básekelestik týraly» 2008 jylǵy 25 jeltoqsandaǵy Qazaqstan Respýblıkasynyń Zańynyń 39-babynyń 16) tarmaqshasyna (budan ári – Zań) sáıkes ázirlendi.
Osy Ádistemeniń maqsaty tıisti taýar naryǵynda ústem nemese monopolııalyq jaǵdaıǵa ıe naryq sýbektisi (budan ári – Sýbekt) belgileıtin monopolııalyq joǵary baǵany anyqtaý tártibin aıqyndaý bolyp tabylady.
2. Osy Ádisteme monopolııalyq joǵary baǵany belgileýden kórinetin ústem nemese monopolııalyq jaǵdaıdy teris paıdalaný bóliginde Qazaqstan Respýblıkasynyń monopolııaǵa qarsy zańnamasynyń buzylýy anyqtalǵan kezde qoldanylady.
3. Osy Ádistemede qoldanylatyn uǵymdar men termınder Qazaqstan Respýblıkasynyń zańdarynda anyqtalatyn maǵynalarda paıdalanylady.
4.Monopolııalyq joǵary baǵany belgileý týraly málimetterdi qaraý sheńberinde monopolııaǵa qarsy organ mynadaı is-áreketterdi júrgizedi:
1) Qazaqstan Respýblıkasynyń zańnamasyna sáıkes taýar naryǵynda baǵalardy memlekettik retteýdiń bolý faktisin belgileıdi;
2)Zańda kózdelgen tártippen engiziletin, básekelestik naryqta qandaı da bir taýardy óndirýge, ótkizýge nemese satyp alýǵa arnalǵan memlekettiń aıryqsha quqyǵy bolý faktisin belgileıdi (memlekettik monopolııa);
3) naryq sýbektisiniń Ústem nemese monopolııalyq jaǵdaıǵa ıe naryq sýbektileriniń memlekettik tiziliminde (budan ári – Tizilim) bolý faktisin kýálan dyrady;
4) Tizilimge engizilgen naryq sýbektisiniń ústem úlesin belgileıdi.
5. Osy Ádistemeniń 4-tarmaǵynyń 1), 2), 3) tarmaqshalarynda kózdelgen talaptardyń bireýi belgilenbegen jaǵdaıda, monopolııalyq joǵary baǵany belgileý týraly tergeý júrgizilmeıdi.
6. Monopolııaǵa qarsy organ taýar naryǵyna taldaý júrgizgennen jáne Sýbektini Tizilimge engizgennen keıin, naryq sýbektisiniń, monopolııaǵa qarsy zańnamasyn buzýshylyq belgileriniń bolýyn kórsetetin naqty derekter bolǵan jaǵdaıda Zańda belgilengen tártippen tergeý júrgizedi.
7. Monopolııaǵa qarsy organ monopolııaǵa qarsy zańnamasyn buzýshylyq belgileriniń bolýyn naqty derekter ańyqtaý maqsatynda mynadaı:
1) Sýbektiniń osy boıynsha Sýbektiniń jaǵdaıy ústem dep tanylǵan taýar baǵasynyń tıisti jáne salystyrmaly taýar naryǵynda basqa naryq sýbektileriniń osyndaı taýar baǵasynan asyp túsýin belgileý;
2) tıisti nemese salystyrmaly taýar naryǵynda baǵanyń ósýiniń tıisti qarqyndarymen salystyrǵanda ol boıynsha Sýbektiniń jaǵdaıy ústem dep tanylǵan taýar baǵasynyń ósý qarqynynyń asyp túsý;
3) fızıkalyq sıpatyn (mysaly, taýar birliginiń salmaǵyn) tómendetý arqyly osy boıynsha Sýbektiniń jaǵdaıy ústem dep tanylǵan taýar baǵasynyń kóterilý;
4) óndirý jáne berý múmkindigi bolǵan kezde tutynýshylardyń suranysy nemese tapsyrystary bar taýarlardy óndirý jáne (nemese) berý kólemin negizsiz qysqartý nemese óndirýdi jáne (nemese) berýdi toqtatý;
8. Ústem úlesi 90 paıyz jáne odan astam sýbektiler úshin monopolııaǵa qarsy organ qosymsha monopolııalyq joǵary baǵanyń mynadaı:
1) Sýbektiniń taýary birliginiń óndiristik ózindik qunynyń ósiminen kezeń shyǵystary ósiminiń asyp túsýi;
2) Sýbektiniń óndiristik personaly jalaqysynyń ósý qarqynymen salystyrǵanda ákimshilik personal jalaqysynyń ósý qarqynynyń ulǵaıýy;
3) Sýbektide sala nemese óńir boıynsha ortasha aılyq jalaqydan ortasha aılyq jalaqy deńgeıiniń asyp túsýi belgilerin anyqtaý maqsatynda taýardy óndirýdiń (ótkizýdiń) ózindik qunyna jáne rentabeldiligine taldaý júrgizedi.
9. Naryq sýbektisiniń, monopolııaǵa qarsy zańnamasyn buzýshylyq belgileriniń bolýyn kórsetetin naqty derekter bolǵan jaǵdaıda monopolııaǵa qarsy organ tergeý júrgizý týraly buıryq shyǵarady.
10. Tergeý júrgizý kezinde Sýbektiniń monopolııalyq joǵary baǵany belgileý jónindegi is-áreketterin rastaıtyn faktilerdiń bolýyn belgileý qajet.
11. Eger sýbektiniń ústem úlesi 90 jáne odan astam paıyzdy quraǵan, sondaı-aq salystyrmaly taýar naryǵy bolmaǵan jaǵdaıda monopolııalyq joǵary baǵany aıqyndaý Ádistemeniń 15-tarmaǵyna sáıkes júrgiziledi.
12. Salystyrmaly taýar naryǵyn anyqtaý mynadaı ólshemder boıynsha júzege asyrylady:
1) satylatyn taýardyń kólemi;
2) taýardy satyp alýshylar nemese satýshylar (berýshiler) quramy;
3) taýar naryǵyna qoljetimdilik sharttary;
4) óndirý jáne salyq salý sharttary;
5) básekelestiktiń damý deńgeıi.
13. Monopolııaǵa qarsy organ tıisti taýar naryǵyndaǵy taýardyń básekeles baǵasyn aıqyndaıdy.
Bul rette básekelestik jaǵdaıda Sýbektimen bir tulǵalar tobyna kirmeıtin naryq sýbektileri belgileıtin, osy taýar naryǵyndaǵy taýardyń eń joǵary baǵasy taýardyń básekeles baǵasy bolyp tabylady. Bul rette, Zańnyń 6-babynyń 2) tarmaqshasynda kózdelgen talaptarǵa sáıkes keletin naryq sýbektilerin eskerý qajet.
Naq sol taýar naryǵyndaǵy básekeles baǵany belgileý múmkin bolmaǵan jaǵdaıda, salystyrmaly taýar naryǵyndaǵy, onyń ishinde Qazaqstan Respýblıkasynyń sheginen tys jerlerdegi salystyrmaly taýar naryǵyndaǵy taýar baǵasymen salystyrý júrgiziledi.
Básekeles ba