Elordalyq «Barys» qurlyqtyq hokkeı lıgasyndaǵy kezekti oıynynda «Admıral» (Reseı. Vladıvostok) komandasymen kezdesti. «Barys» qarsylasyn 3:1 esebimen utty.
Oıynnyń alǵashqy 5-mınýtynda «Barys» sapynan Valerıı Orehov esep ashty. Arada bir mınýt ótpeı jatyp, Pavel Akolzın esepti eselep ketti. Ile-shala «Barys» oıynshysy Egor Petýhov esep aıyrmasyn úshke jetkizdi. Al oıynnyń 36-mınýtynda qarsylastar qatarynan Konstantın Glazachev qana esep aıyrmasyn qysqartty. Odan artyq «Admıraldyń» «Barysqa» shamasy kelmedi.
Bir aıta keterligi, «Barystyń» bas bapkeri Andreı Skabelka osy maýsymdaǵy sońǵy eki oıynda qazaqstandyq jastardyń áleýetin baıqap kórýge sheshim qabyldaǵany anyq baıqalady. Buǵan búgingi oıyn da dálel bola alady. Eń bastysy jastar úmitti aqtady.