50 tomdyǵy jaryq kórdi Mańǵystaýda ult rýhanııaty úshin ıgilikti is júzege asyryldy. Qaıyrtpaı ketken Qashaǵan aqynnyń, «sóz degeniń de buıym ba, sóıleý degen de qıyn ba?!» dep asqaq sóılegen Aqtannyń, Uly Otan soǵysynyń bolaryn tús kórip bilip, sol úshin túrmege túsken Túmenniń, «qazaqtyń Gomeri» atanǵan Muryn jyraýdyń, zańǵar jazýshy Ábishtiń, arqaly aqyndar Sabyr men Svetqalıdyń elinde baıyrǵy jáne búgingi sóz sapyryp, jyr aǵytqan shaıyrlardyń muralaryn toptastyryp, óz aldyna kólemdi eńbek etip qurastyrý kópke arman kúıinde qalyp kele jatqan bolatyn.
50 tomdyǵy jaryq kórdi Mańǵystaýda ult rýhanııaty úshin ıgilikti is júzege asyryldy. Qaıyrtpaı ketken Qashaǵan aqynnyń, «sóz degeniń de buıym ba, sóıleý degen de qıyn ba?!» dep asqaq sóılegen Aqtannyń, Uly Otan soǵysynyń bolaryn tús kórip bilip, sol úshin túrmege túsken Túmenniń, «qazaqtyń Gomeri» atanǵan Muryn jyraýdyń, zańǵar jazýshy Ábishtiń, arqaly aqyndar Sabyr men Svetqalıdyń elinde baıyrǵy jáne búgingi sóz sapyryp, jyr aǵytqan shaıyrlardyń muralaryn toptastyryp, óz aldyna kólemdi eńbek etip qurastyrý kópke arman kúıinde qalyp kele jatqan bolatyn.
Jýyrda Mańǵystaý oblysynda «Mańǵystaý aqyn-jazýshylarynyń kitaphanasy» serııasymen 50 tomdyq jaryq kórdi.
Jınaqqa aqyn-jyraý Abyl Tileýulynan bastap, mańǵystaýlyq 93 qalamgerdiń shyǵarmalary engen. Kitapqa ár kezeńderdegi avtorlardyń ejelgi tarıhı oqıǵalar men ańyzdardy, salt-dástúrdi, dinı nanym-tanymdy tereńnen tolǵaıtyn týyndylary, el qorǵaý jolyndaǵy erlik isterdi nasıhattaıtyn dastandary, táýelsizdikti qasterlep, ony qadirleı bilýge shaqyratyn búgingi zaman bıiginen jazylǵan óleńderi men jyrlary, tolǵaýlary engen.
– Bul jınaqtardy qurastyrýǵa sebep – Elbasymyz Nursultan Nazarbaevtyń «Qazaqstan-2050» Strategııasy – qalyptasqan memlekettiń jańa saıası baǵyty» atty Qazaqstan halqyna Joldaýynda «dástúr men mádenıet – ulttyń genetıkalyq kody... Biz ózimizdiń ulttyq mádenıetimiz ben dástúrimizdi osy áralýandyǵymen jáne ulylyǵymen qosyp qorǵaýymyz kerek, mádenı ıgiligimizdi bólshektep bolsa da jınastyrýymyz kerek» degen sózi bolatyn. Biz ótkenimizdi keleshekke jalǵastyrý úshin qazaqstandyq patrıotızmdi qalyptastyrýǵa, ony qasterleýge ádebıetimizdi de, mádenıetimizdi de paıdalanýymyz qajet, onyń asyldaryn jınap, halyqtyń óz ıgiligine usynýymyz kerek. Jurt jaqsy qabyldap jatyr. Osyndaı mańyzdy isti júzege asyrýǵa qoldaý kórsetken oblys ákimi Alık Serikulyna, joba júzege asqansha jarǵaq qulaǵy jastyqqa tımeı janashyrlyq tanytyp, Astanadan Aqtaýǵa birneshe ret kelip ketken oblys ákiminiń burynǵy keńesshisi, belgili azamat, bilikti zańger Beket Turǵaraulyna, sondaı-aq «Qazaqparat» korporasııasy baspasynyń prezıdenti Qonysbek Botbaıǵa alǵys bildiremiz, deıdi kóptomdyqtyń qurastyrýshysy, shyǵarýshy-redaktor, aqyn A.О́tegenov.
Mańǵystaý oblysynyń 40, al Aqtaý qalasynyń 50 jyldyq mereıtoıyna arnap shyǵarylǵan kóptomdyqqa burynǵy aqyn-jyraýlardyń shyǵarmalary budan buryn jaryq kórgen jyr jınaqtarynan, jeke muraǵattardan alynǵan. Esimi elge belgili tulǵalarmen birge ártúrli jaǵdaılar ıininde tanylyp úlgermeı qalǵan, biraq ádebı dúnıesi kórkemdik sheberlik, tarıhı tanymdyq, jastardy adaldyqqa baýlý turǵysynda aıtýǵa turarlyq qalamgerlerdiń de eńbekteri eleýsiz qalǵan joq.
Mańǵystaýda qazir Jazýshylar odaǵyna múshe 15 qalamger bar. Biraq, bul jergilikti qalamustarlardyń sany men sapasy osymen shekteýli degen sóz emes, shyraıly shyǵarmashylyǵy bar aǵa býyn ókilderi de, olardyń orta jastaǵy izbasarlary da bar. Jastar da jetilip keledi. Tek, ádebı ortadan shalǵaıda jatqan óńirdiń aqyn-jazýshylary beldi ortadan kórine bermeı oblys deńgeıinde qalyp qoıady. Al, ortalyqtaǵy aqyn-jazýshylardan izdep kelip, jastarmen júzdesip, aqyl-keńes beretinder taǵy joq. Osy jaǵdaıda kóptomdyqtyń jaryq kórýi – quptarlyq sharýa.
Gúlaıym ShYNTEMIRQYZY,
«Egemen Qazaqstan».
Mańǵystaý oblysy