Instagram paraqshasyna qala sáýletshileri men belsendilerimen ótken dóńgelek ústel týraly jazba qaldyrǵan qala ákimi B.Saǵyntaev qazirgi kezde 30 qoǵamdyq keńistiktiń jobalary ázirlenip jatqandyǵynan habardar etti.
Qalany damytý máselesinde keshendi is-qımyldy qajet etetin sheshimderdi talqylaǵan basqosýda B.Saǵyntaev «Almatynyń Bas josparyna túzetýler engizý boıynsha jumys isteýdemiz. Ol ortalyqtandyrý qaǵıdatyna negizdelgen megapolıstiń evolıýsııalyq damýynyń barlyq negizgi tetikterin qamtıtyn bolady. Bul rette bizge ǵumyryn sáýlet salasyna arnaǵan kásipqoı mamandar qajet.
Mysaly, qazirgi kezde 30 qoǵamdyq keńistiktiń jobalary ázirlenýde. Olar negizgi sıpattary ǵana emes, sonymen qatar estetıkalyq tolyqtyǵymen de tartymdy bolýlary tıis.
Jalpy, biz «Almaty-2050» Strategııasynda eskerilgen sáýlettik sheberliktiń damýyna jańa serpilis berýdi nıet etýdemiz. Iskerlik keńes janyndaǵy kreatıvti ındýstrııa komıteti qalany damytýdyń aǵymdyq jáne perspektıvalyq máseleleri boıynsha pikir alysatyn pármendi dıalog alańyna aınalýy tıis»- dep atap ótti.
ALMATY