«Mal urlyǵy» jedel aldyn alý is-sharalaryn júrgizý barysynda oblys aýmaǵynda QR ÁQBtK 406-babyna sáıkes ákimshilik jaýapkershilikke tartý úshin oblystyq aýmaqtyq ınspeksııasyna 8 materıal joldandy. Bul týraly Mańǵystaý oblystyq Polısııa departamenti baspasóz qyzmeti habarlady.
Polısııa qyzmetkerleri mal jáne et ónimderin tasymaldaıtyn avtokólikterdi, olardy ótkizý oryndaryn, sharýa qojalyqtaryn, mal jaıylym núktelerin, fermalardy tekseredi. Urlyqtyń sebebi materıaldyq-jaýapty tulǵalardyń jáne azamattardyń ózderiniń óz malynyń saqtalýyna nemquraıly qaraýy bolyp tabylady, bul qylmyskerlerge ózderiniń zulymdyǵyn jaı jáne keıde jazasyz oıyn asyrýǵa múmkindik beredi.
Is-sharanyń birinshi kúninde Munaıly jáne Qaraqııa aýdandarynda 2 qylmystyq quqyq buzýshylyq faktisi tirkeldi. Mysaly, Qaraqııa aýdanynyń Jetibaı aýylynda mal urlyǵy oryn alǵan. Belgisiz aýyl turǵynynyń 1 bas qoıyn urlap ketken. Jedel-izdestirý is-sharalary barysynda kúdikti anyqtalyp, ustaldy. Kinásin tolyq moıyndady.
Osyndaı jaǵdaı Munaıly aýdanynda da boldy. Belgisiz tulǵa Munaıly turǵynyna tıesili qoıyn aýlasynan urlap ketken. Keıin kúdikti polısııa qyzmetkerlerimen anyqtalyp, ustaldy. Ustalǵan azamat óz kinásin moıyndady.
Atalǵan eki fakti boıynsha sotqa deıingi tergeý bastaldy.
Mańǵystaý oblysy