Kólikterdiń VIP sanatyndaǵy memlekettik tirkeý nómirleri 2014 jyldan beri satylymda bar. Qazaqstandyqtar qalaýynsha sandar tizbegin tańdap, birdeı áripterge tapsyrys bere alady. Bul týraly «Azamattarǵa arnalǵan úkimet» memlekettik korporasııasynyń baspasóz qyzmeti habarlady.
2019 jyly el azamattary avtoHQO arqyly 3,018 mlrd teńgege 12 658 erekshe tirkeý nómirin satyp alǵan. Bul qarjylaı kórsetkish 2018 jylmen salystyrǵanda jarty mıllıard teńgege kem. Onda qazaqstandyqtar 14 909 VIP nómiri úshin 3,560 mlrd teńge jumsaǵan. Aıta keteıik, ol ýaqytta mamandandyrylǵan HQO-men qatar erekshe nómirlerdi polısııanyń tirkeý-emtıhan alý bólimderi de rásimdeıtin.
Búginde erekshe sandar men áripterdiń tizbegin kóp satyp alatyndardyń reıtıngin Almaty, Nur-Sultan men Shymkent qalalarynyń turǵyndary bastap tur.
Kólik ıeleri jańadan satyp alǵan temir tulparyna erekshe nómirlerdi mamandandyrylǵan HQO nemese egov.kz arqyly onlaın tirkeý barysynda tańdaı alady. Sondaı-aq eger azamattyń burynnan VIP-nómiri bolsa, jańadan alǵan kóligine alty aı ishinde sol nómirdi qaıta rásimdeýge quqyǵy bar.