Ulttyq qoǵamdyq senim keńesiniń múshesi, belgili jýrnalıst Mıhaıl Dorofeev Memleket basshysyna otandyq aqparat keńistigindegi ahýal jóninde oı-pikirin aıtty. Bul týraly Aqordanyń baspasóz qyzmeti habarlady.
Sonymen qatar áńgimelesý barysynda buqaralyq aqparat quraldarynyń básekege qabilettiligin arttyrýǵa, memlekettik aqparattyq tapsyrysty tıimdi júzege asyrýǵa, sondaı-aq, jýrnalısterdiń quqyǵyn qorǵaýǵa qatysty máseleler sóz boldy.
Mıhaıl Dorofeev Qasym-Jomart Toqaevqa medıa-qoǵamdastyqtyń atynan jala jabý týraly Qylmystyq kodekstiń 130-babyn qylmystyq dep tanymaý jónindegi sheshimi úshin alǵys bildirdi.
Qazaqstan Prezıdenti televızııadaǵy sapaly kontentti damytýdyń mańyzdylyǵyn atap ótip, memleket tarapynan otandyq BAQ-qa qoldaý kórsetile beretinin aıtty.