Iz-túzsiz ketken jaýyngerlerdi izdeýge kiristi

Qujatqa sáıkes taraptar Jeńistiń 75 jyldyǵyna arnalǵan qoǵamdyq bas­ta­ma­lardy qoldaı otyryp, Qazaq­stan men Reseı halyq­ta­ryna ortaq qun­dy­lyq bolyp sanalatyn Otan úshin ot keshkenderdiń óshpes erligin máńgi este saqtap jáne jas urpaq boıyna otan­­súıgishtik rýhty sińirý maq­sa­tyn­­da Re­seı Federasııasynyń Iva­nov obly­syndaǵy áske­rı qorymda jer­len­­gen qazaqstandyq jaýyngerlerdi jáne olardyń týǵan-týystaryn izdeýdi bas­ta­dy.

Qazirgi kezge deıin «Eýra­­zııalyq dıalog» qory Reseı Federasııasynyń Ivanov obly­syndaǵy áskerı qory­m­­nan qazaqstandyq 108 ja­ýyn­gerdiń zıratyn tapty. Jer­lengen qazaqs­tan­­dy­q­tar­dyń aty-jóni kórse­til­gen alǵashqy tizimdi QRKF óziniń Facebook áleý­me­ttik jelisindegi resmı paraqshasynda jarııa­lady. Tizim sonymen qatar óńirlerge múshelik uıymdary arqyly taratylady, resmı saıty jáne federasııanyń «QAZAQSTAN KÁSIP­ODAǴY» gazetinde jaryq kóre­tin bolady.

Qazaqstan Respýb­lı­ka­synyń kásip­tik odaq­tar fe­derasııasy men «Eý­ra­­zııalyq dıalog» áleý­met­tik-ekono­mı­ka­lyq yn­­ty­­­­maqtastyqty qoldaý ha­ly­q­­­ara­lyq qory budan bólek Je­ńistiń 75 jyldyǵyna oraı sura­pyl soǵysta keý­desin ot­qa tosqan maıdangerlerdiń erl­igin ulyqtaý maqsatynda Qazaq­stan men Reseı aýma­ǵyn­­da birqatar sharalardy uıym­dastyrýdy josparlap otyr.