Bıylǵy aqpan aıynyń 20 juldyzynda Aqtóbe oblysy Temir aýdanyndaǵy Keńqııaq ken ornynda «N-Tehservıs» kompanııasy quramyndaǵy brıgada jumysshylary kezekti aýysymǵa shyqpaı qaldy. Osy jaǵdaıǵa baılanysty Keńqııaqqa shuǵyl attanǵan oblys ákiminiń orynbasary Qaırat Bekenov pen kompanııa dırektorynyń mindetin atqarýshy Van Ilın jáne eńbek ınspeksııasynyń ókilderi máseleniń mán-jaıyn anyqtaý kezinde daýdyń basty sebebi jalaqy mólsheriniń tómendigi ekenin bildi.
Osyǵan oraı atalǵan taraptar «N-Tehservıs» kompanııasynyń Beıjińdegi bas keńsesimen tıisti kelissózder júrgizdi. Sonyń nátıjesinde bir aýysymnyń ǵana emes, sonymen birge vahtalyq ádispen jumys isteıtin barlyq qyzmetkerlerdiń jalaqysyn 33 paıyzǵa kóterý jóninde shuǵyl sheshim qabyldandy. Osy tusta budan 1-2 apta buryn «SNPC-Aqtóbe munaıgaz» AQ qurylymdaryna qarasty qyzmetkerlerdiń jalaqysy da joǵaryda kórsetilgendeı kólemde óskenin aıta ketken jón.
Servıstik kompanııalar tabysynyń ósýi – tek kómirsýtegi shıkizatyn óndirýge ǵana emes, kórsetiletin qyzmetter kólemine de baılanysty. Bul rette jergilikti atqarýshy organdardyń tarıfterdi kóterýge qatysty kelissózder júrgizýi oń nátıjege bastap keledi. Iаǵnı, usynystar servıstik kompanııalar tarapynan qoldaý taýyp, bıylǵy jyldyń 1 naýryzynan bastap tarıfterdiń quny 10 paıyzǵa ulǵaıatyn boldy. О́z kezeginde mundaı qadamdar munaı-gaz óndirisi salasynda jumys isteıtin qyzmetkerlerdiń jalaqysyn kóterý isine óz septigin tıgizbek. Sondaı-aq ken oryndarynda jumysshylardy arnaıy kıim úlgilerimen jasaqtaý jáne sapaly tamaqpen qamtý kezinde de túıtkilder bar ekeni baıqaldy. «Ony túbegeıli sheshýdiń kilti ujymdyq sharttar bolyp otyr. Iаǵnı, aldaǵy ýaqytta bul máseleni kásiporyndar men kásipodaq uıymdarynyń basshylary arasynda qol qoıylatyn qujattar arqyly sheshý kózdelgen. Túptep kelgende, basty másele – sheteldik kompanııalardaǵy jumys kúshterin birtindep azaıtyp, olardyń ornyn qazaqstandyq kadrlarmen almastyrý bolmaq. Bul baǵytta mamandardy ósirý men qaıta ázirleýge qatysty máseleler aldyńǵy kezekke shyǵady. Sheteldik kompanııa ókilderi júrgizetin isti qatań baqylaýǵa alýdyń qajettiligi de osynda», deıdi oblys ákiminiń orynbasary Qaırat Bekenov.
Mine, joǵaryda kórsetilgen derekter oblysta jerasty qazba baılyqtaryn ıgerý isi salasynda jumys isteıtin qyzmetkerlerdiń jalaqylaryn ósirý isinde biraz keshendi sharalardyń qolǵa alynǵanyn kórsetedi. Talas joq, jaǵymdy jaıt. Áıtse de qazir oblys turǵyndarynyń ortasha aılyq jalaqysynyń kólemi atalǵan saladaǵy ósip jatqan jalaqy esebinen jasalady.
Sonyń ózinde óńirdegi ortasha jalaqy deńgeıi respýblıkalyq ortasha kórsetkishten 16 paıyzǵa tómen bolyp otyr. Ras, óńirde eńbekaqyny ósirý jóninde birqatar jumys atqarylǵan. Aldyńǵy jyldarmen salystyrǵanda belgili bir deńgeıde ósý kórsetkishteri de tirkeldi. Áıtse de ázir aqtóbelikter ortasha jalaqy mólsheri jóninen elimizde toǵyzynshy orynda tur eken. Sondaı-aq oblystaǵy ortasha jalaqy mólsheri respýblıkanyń batys óńirleri arasyndaǵy eń tómengi kórsetkish ekeni qýanta qoımaıdy. Oblys ákimi Ońdasyn Orazalın 2020 jyldyń 12 aqpany kúni turǵyndarǵa bergen esebi kezinde muny ashyq málimdedi.
Aqtóbe oblysy