Almaty qalasynyń aýdandarynda respýblıkalyq «Kóktem-2020» atty komandalyq-shtabtyq oqý-jattyǵý sharalary ótti. Respýblıka boıynsha ótip jatqan kóktemgi daıyndyq shahardyń barlyq aýdanynda kúsheıtilgen. Jaýaptylar bıyl qalada sel júrý qaýpi joq dep otyr. Oǵan qar kóleminiń normadan az túsýi sebep.
Tótenshelik mamandar tipti, aldaǵy ýaqytta sý tasqyny bolǵannyń ózinde, keler qaýipke saqadaı saımyz dep otyr.
Ásirese, Naýryzbaı, Alataý aýdandarynda ornalasqan «Qarǵaly» ózeninde saqtyq sharalary kúsheıtilgen. Arnaıy jasaqtalǵan top ózendi qoqys qaldyqtary men qatqan muzdan tolyqtaı tazartty. Sharaǵa Ulttyq gvardııa ókilderi, azamattyq qorǵaý qyzmetkerleri men tótenshe jaǵdaılar komıtetiniń aýmaqtyq bólimsheleri tartylǵan.
«Jalpy Almaty qalasy boıynsha 6500 adam, 1370 tehnıka, 142 arnaıy motopompa, 102 elektrogeneratorlar jáne de 13 myń qap, 70 myń tonna ınerttik zattar osy kezeńge daıyndap otyrmyz. Almaty qalasynda bıylǵa sý tasqyny qaýpi joq dep aıtamyz», – deıdi qalalyq TJD basshysynyń orynbasary Erlan Álibekov.