Mońǵolııa Prezıdenti 27 aqpan kúni saǵat 22.20-da QHR-na bir kúndik saparynan oraldy. Bul týraly Montsame agenttigi habarlady.
Qaýipti vırýsty elge taratpaý keshendi sharalarynyń erejesine sáıkes, Memleket basshysymen birge barǵan resmı tulǵalar Shyńǵys han halyqaralyq áýejaıynda koronavırýsqa tekseristen ótip, arnaıy mekemege 14 kúnge oqshaýlandyryldy.
Resmı málimet boıynsha, Prezıdent H.Battýlga astanalyq emhanalardyń birine jeke jatqyzylsa, onymen birge barǵan Ishki saıasat mekemesiniń mınıstri D.Sogtbaatar, Tótenshe jaǵdaılar boıynsha bas basqarma (TJBB) basshysy, general-maıor T.Badral, Prezıdent ákimshiliginiń basshysy Ý.Shıjır, Syrtqy saıasat boıynsha Prezıdent keńesshisi T.Tegshjargal astanalyq Han-Ýýl aýdany aýmaǵynda «Jargalant» taý shatqalyndaǵy arnaıy ońaltý shıpajaıyna jiberildi.