Býrabaı kýrorttyq aımaǵyndaǵy Kenesary aýylynda Abylaı hannyń monýmenti salynady dep josparlanýda. Bul týraly Ortalyq kommýnıkasııalar qyzmeti habarlady.
«Keshen «Abylaı Han» monýmenti dep atalady, bıiktigi 54 metr bolady. Abylaı hannyń taqta otyrǵan kelbeti sýretteledi. Hannyń asataıaǵyna jedel saty ornatylady, kelýshiler sol arqyly 20 qabattyq bıiktikke kóterilip aınalany tamashalaı alady», - dedi qoǵam qaıratkeri Arman Shoraev Ortalyq kommýnıkasııalar qyzmetinde ótken brıfıngte.
Sondaı-aq keshende qazaq halqynyń handyq dáýirin sýretteıtin murajaı, kitaphana, demalýshylarǵa qajetti áleýmettik nysandar bolady dep kútilýde. Keshendi memlekettik bıýdjettiń qarjysyna emes, qarapaıym halyqtyń qoldaýymen salý kózdelip otyr.
Sonymen qatar jobany iske asyratyn sáýletshi, dızaıner, sýretshi, ınjener, qurylysshy mamandar arasynda halyqaralyq ashyq konkýrs jarııalady. Iаǵnı, Abylaı han kesheniniń syzbalyq nusqasyn jasaýǵa álemniń kez kelgen elinen úmitkerler qatysa alady.