Túrik áskeri Sırııanyń Idlıb aýmaǵynda Bashar Asad rejıminiń SU-24 markaly eki ushaǵyn atyp túsirdi. Bul týraly Túrkııanyń ulttyq qorǵanys mınıstrligi habarlady.
Anadoly agenttiginiń aqparatyna súıensek, Asad kúshteriniń áýege qarsy qorǵanysqa arnalǵan úsh qurylǵysy da joıylǵan. Onyń bireýi jaqynda Túrkııa áýe kúshteriniń ushqyshsyz apparatyn atyp túsirgen bolatyn.
Túrkııa Ulttyq qorǵanys mınıstri Hýlýsı Akar búgin Idlıb aımaǵynda «kóktemgi qalqan» operasııasyn ótkizý týraly jarııalady.
Qorǵanys vedomstvosy basshysynyń aıtýynsha, bul operasııa 27 aqpanda túrkııalyq 36 áskerı qyzmetkerdiń ómirin qıǵan áýe soqqysyna qarsy jaýap retinde júrgizilip jatyr.
«Bizdiń mindetimiz – Bashar Asad rejımindegi qylmystardy boldyrmaý, radıkaldaýdy joıý jáne kóshi-qonnyń aldyn alý»,- dep atap ótti H.Akar.
Sondaı-aq Qorǵanys mınıstri Túrkııa Sırııa aýmaǵynda Reseıge qarsy qarýly qaqtyǵysty kózdep otyrmaǵanyn aıtty.