Qazaqstan Respýblıkasynda koronavırýstyń aldyn alý sharalary qabydandy. Bul týraly búgingi Úkimet otyrysynda aıtyldy.
«1 naýryzdan bastap mınıstrlik sanıtarlyq-epıdemıologııalyq baqylaýdyń 4 satysyna kóshti. Birinshi sanattaǵy elder qataryna QHR, Iran, Ońtústik Koreıa, Japonııa, Gonkong, Makao, Italııa. Qytaı men Irannan kelgen azamattar mindetti túrde 14 kúnge karantınge jatqyzylady. Odan keıin qosymsha 10 kún medısınalyq baqylaýda bolady. Birinshi sanattaǵy elderden kelgen azamattar turǵylyqty jeri boıynsha 14 kún karantınde bolady. Biraq sanıtarlyq qyzmettiń sheshimi boıynsha medısınalyq uıymǵa aýysýy múmkin. Ekinshi sanattaǵy elderden kelgender turǵylyqty jeri boıynsha 14 kúnge karantınge ornalastyrylady jáne qosymsha 10 kún boıy medqyzmetkerler qońyraý shalyp jaǵdaılaryn biledi. Al úshinshi sanattaǵy elderden kelgen azamattar 24 kún boıy qońyraý shalý ádisimen qashyqtan baqylanady» , - dedi Densaýlyq saqtaý mınıstri Eljan Birtanov.
Densaýlyq saqtaý mınıstriniń sózinshe, koronavırýs anyqtalǵan jaǵdaıda júrgiziletin algorıtimdik jospar qurylǵan.