Elbasynyń Jarlyǵyna sáıkes, árbir jylǵy tamyzdyń úshinshi jeksenbisi bizdiń elimizde Sport kúni retinde atalyp ótiledi. Bul mereke bıylǵy jyly 18 tamyzǵa týra kelip otyr. Biz osy aıtýly kúnniń qarsańynda Sport jáne dene shynyqtyrý isteri agenttiginiń tóraǵasy Erlan Qojaǵapanovpen suhbat qurǵan edik.
Elbasynyń Jarlyǵyna sáıkes, árbir jylǵy tamyzdyń úshinshi jeksenbisi bizdiń elimizde Sport kúni retinde atalyp ótiledi. Bul mereke bıylǵy jyly 18 tamyzǵa týra kelip otyr. Biz osy aıtýly kúnniń qarsańynda Sport jáne dene shynyqtyrý isteri agenttiginiń tóraǵasy Erlan Qojaǵapanovpen suhbat qurǵan edik.
– Erlan Toqtarhanuly, Qazaqstannyń abyroıyn aspanǵa kótergen London Olımpıadasynyń tarıh qoınaýyna engenine de jylǵa jýyq ýaqyt bolyp qaldy. Endi sol jetken bıikti ustap turýdyń da ońaı soqpaıtyny anyq. Al, alda Qysqy Olımpııalyq oıyndar kele jatyr. Sol baıraqty básekeden bizdiń kúterimiz qanshalyqty qomaqty bolmaq?
– О́te durys aıtasyz. Bizdiń sportshylarymyzdyń London Olımpııalyq oıyndarynda shynynda da juldyzy jarqyraı jandy. Ondaǵy jetistik bizdiń bárimizdiń kútkendegimizden áldeqaıda asyp tústi. Ol Olımpıada sporttyń shyn máninde eldiń eńsesi, memlekettiń mereıi ekenin tanytyp berdi. Týra topshylap otyrsyz, kelesi sondaı alamanda dál sol deńgeıdegi tolaǵaı tabysty qaıtalaýymyz endi qıynǵa soǵady. Munyń aldaǵy jyldyń basynda Reseıdiń Sochı qalasynda ótetin Qysqy Oıyndarǵa da qatysy bar. Birden aıtyp qoıaıyn, ol dúbirli dodadan kúterimiz onshalyqty orasan zor emes. Onyń jan-jaqty sebebi bar. Bul úshin mynany aıtsam da jetkilikti ǵoı dep oılaımyn. Biz osynyń aldyndaǵy Vankýverde bar-joǵy 1 kúmis medalǵa ǵana qol jetkizdik. Sochıde de júldeli oryndar úshin talasqa 5-6 sportshymyz aralasady degen úmit bar. Solardyń arasynan konkı sportynan bıyl ǵana álem chempıony bolǵan Denıs Kýzın men mánerlep syrǵanaýshy Denıs Tenge aıryqsha salmaq artamyz. Ázirge biz osy Olımpıadaǵa 40 lızensııa jeńip alý jolynda kúresip jatyrmyz. Qazir sportshylarymyz shtattyq rejimde daıyndalý ústinde. Eger Sochıde burynǵy bir medaldyq kórsetkishimizdi ekeýge jetkizsek, bizder úshin sonyń ózi eleýli ilgeri jyljýshylyq bolar edi. О́ıtkeni, qalaı aıtqanda da, Qazaqstan ázirge álemdegi qysqy sport túrleri barynsha damyǵan elderdiń qataryna qosylyp úlgergen joq.
– Osy oraıda elimizde buqaralyq sportty órkendetý máselesine toqtalmaı óte almas edik. Onyń ústine, Memleket basshysy 2020 jylǵa deıin sportpen belsendi shuǵyldanatyn jurtshylyq sanyn 30 paıyzǵa jetkizý mindetin qoıyp otyr.
– Bul jerde bári túsinikti bolýy úshin áńgimeni statıstıkalyq málimetterdi keltire otyryp sabaqtastyrǵanym jón shyǵar. Mynaǵan qarańyz: 2007 jyly respýblıkada dene shynyqtyrýmen jáne sportpen shuǵyldanǵan halyq sany 15 paıyzdy quraǵan bolsa, bul kórsetkish 2012 jyldyń qorytyndysynda 21,6 paıyzǵa jetip jyǵyldy. Demek, 7 paıyzǵa jýyq ósim bolǵan. Osyǵan qarap, endigi qalǵan 7-8 jylda taǵy 8 paıyzdyq belesti baǵyndyrýǵa ábden bolady ǵoı dep oılaımyn. Buǵan bizde barlyq alǵysharttar bar. Qazirgi tańda túrli deńgeıdegi ákimdiktermen jáne basqa da memlekettik mekemelermen birlesip, balalarǵa arnalǵan aýla klýbtarynyń jelisin keńeıtý, sport seksııalarynyń túri men sanyn ulǵaıtý, árbir mektepte sport klýbtaryn ashý jóninde pármendi jumystar júrgizilýde. Munyń syrtynda birqatar tanymal komandalyq sport túrleri boıynsha mektepterdiń lıgalyq jarystaryn uıymdastyrýdy qolǵa aldyq. Sońǵy kezderi birqatar depýtattar bastamasy boıynsha «Barsıada» atty úlken sport lıgasyn qurýdy bastap kettik. Munyń bári, birinshiden, buqaralyq sporttyń damyp, keń etek jaıýyna serpin berse, ekinshiden, sportymyzdyń keleshek juldyzdaryn tárbıelep shyǵarýdyń ómirlik ónegeli mektebi bolmaq. Osynyń yńǵaıynda eresekter sportynyń birden-bir irgeli izbasary bolyp tabylatyn stýdenttik saıystarǵa erekshe nazar aýdarylyp