Halyqaralyq yqpaldastyq otandyq bilim salasyna zamanaýı múmkindikter júktep otyr. Osy oraıda IT salanyń artyqshylyqtaryn ıgerý, elektrondy oqýlyqtardy jetildirýde shet tilderine mamandanatyn stýdentterge qolaıly jaǵdaılar qarastyrylýda.
Jaqynda ál-Farabı atyndaǵy QazUÝ-de ótken «Ár alýandyq jáne bilim berý: kózqarastardyń toǵysýy» taqyrybynda ótken halyqaralyq semınar barysynda otandyq mamandarmen qatar shetel ǵalymdary mádenıetaralyq kommýnıkasııa, aýdarma isi, dıplomatııalyq qarym-qatynastar salasyndaǵy ózekti máselelerdi talqylady.
Ǵylymı semınarda ál-Farabı atyndaǵy QazUÝ birinshi prorektory M.Búrkitbaev jaqynda ýnıversıtet qabyrǵasynda ashylǵan «Mádenıetaralyq kommýnıkasııa jáne aýdarma zertteýleri» halyqaralyq ortalyǵynyń jumysyna toqtalyp,onda bilim baǵdarlamalary naryǵynda básekelestikti arttyra otyryp, otandyq stýdentterdiń álem tilderin ıgerýdegi artyqshylyqtaryna toqtaldy. Al óz kezeginde ortalyq dırektory, Frıbýrg ýnıversıtetiniń 2012-2014 jyldardaǵy post-doktornaty, fılologııa ǵylymdarynyń kandıdaty, professor, Dıplomatııalyq aýdarma kafedrasynyń meńgerýshisi Almash Seıdikenova halyqaralyq baılanystardy nyǵaıta otyryp, sheteldik áriptestermen mádenı kommýnıkasııa, aýdarma zertteýlerin ıgerýdegi yqpaldastyq turǵysynda sóz qozǵady. Eki jyl boıy Shveısarııadaǵy stýdentterdiń ómirimen jiti tanysqan maman búginde otandyq stýdentter úshin bilim men izdenistiń ara jigin ajyratatyn kez keldi, deıdi. Almash Smaıylqyzynyń aıtýynsha, sheteldik oqý oryndarynda akademııalyq erkindikke barynsha mán berilip, stýdentterdiń izdenispen jumys isteýine qolaıly jaǵdaılar jasalǵan. Iаǵnı, oqytýshy baǵyt-baǵdar bergennen keıin, stýdent ary qaraı shyǵarmashylyqpen aınalysady. Osy turǵyda otandyq bilim júıesinde negizge alatyn máseleler jetkilikti. Áli kúnge otandyq bilim salasynda keńestik júıe men sheteldik bilim tájirıbesiniń utymdy-utymsyz tustarynyń ara-jigin ajyrata almaı otyrý sebepteri jıi kezdesedi. Al onyń saldary bolashaq mamandardyń kásibı joǵary deńgeıde bilim alýyna keri yqpalyn tıgizýde. Tipten, oqytýshylardyń da, stýdentterdiń de áleýmettik jumystarǵa barynsha alańdaýynyń keri áserin bile tura, bul jaıttardan aryla almaı kelemiz, deıdi maman. Sondyqtan da stýdentterdiń zertteý jumystaryna kóp kóńil bólýdegi shetel tájirıbesine nazar aýdarý qajet. Azat oıdyń nátıjesi de nıtıjeli bolmaq. Osy turǵydan alǵanda jaqynda ashylǵan ortalyq jumysy stýdentterdiń oı erkindigine barynsha jaǵdaı týǵyza otyryp, sóıleý máneri, shet tilderdiń kodyn jetkilikti meńgerý, shet tilinde ǵylymı tájirıbeden ótý, akademııalyq mobıldilik, sonymen qatar oqytýshylarǵa arnalǵan kásibı biliktilik kýrstaryn ótkizýdiń de tıimdiligi joǵary. Al IT saladaǵy elektrondy oqýlyqtar men baǵdarlamalarmen qamtamasyz etý, mektepter men joǵary oqý oryndaryna qajetti oqý jáne ǵylymı materıaldar, sondaı-aq til meńgerý úshin mobıldi qosymshalarmen qamtamasyz etýdiń mańyzy joǵary.
Semınarda Rýmynııa, Jeneva, Fransııa, Aljır, t.b. shetel ýnıversıtetteriniń professorlary men doktoranttary halyqaralyq yqpaldastyq máselelerine qatysty baıandama jasady.
ALMATY