О́skemenniń «Torpedosy» Joǵary hokkeı lıgasynyń (JHL) pleı-off dodasynyń alǵashqy kezeńinen asa almady.
Petrov kýbogy jolyndaǵy jarystyń alǵashqy aınalymynda jerlesterimizdiń joly Máskeýdiń «Zvezdasymen» qıysqan edi. О́skemendik klýb osynyń aldyndaǵy tórt oıynnyń tek bireýinde ǵana jeńiske jetip, úsheýinde utylǵan edi.
Sońǵy báseke Reseıdiń astanasynda ótti. Básekeni jap-jaqsy bastaǵan «Torpedo» birazǵa deıin tizgindi bermeı keldi. 19 mınýtta Sergeı Shestakov jáne 45 mınýtta Aleksandr Tarasov soqqan goldardan keıin qazaqstandyqtar alda kele jatty.
Desek te kezdesýdiń aıaqtalýyna bar-joǵy jeti mınýttaı ýaqyt qalǵanda jerlesterimiz bilgenderinen jańyldy. Qarsylastarymyz úsh ret nysanany dál kózdep, jeńisti ýysymyzdan julyp áketti. Negizgi ýaqytta Danııl Lobanov pen Evgenıı Kanıskıı tarazy basyn teńestirse, overtaımda Maksım Ryjkov mergendik tanytty. Esep – 3:2.