Aýstrııanyń Shpıttal-an-der-Draý qalasynda shaıbaly hokkeıden áıelder arasyndaǵy Eýrolıga dodasy óz máersine jetti. Bul jarysty Almatynyń «Aısulýy» qola medalmen qorytyndylady.
Eýropanyń áıelder hokkeı lıgasynyń 2019/2020 jylǵy maýsymynda úshinshi oryndy ıelengen «Aısulý» «Tórttik fınalynda» kúsh synasý qurmetine ıe bolǵan edi.
Jartylaı fınalda jerlesterimiz Majarstannyń «KMH Budapest» klýbymen kúsh synasty. Bul báseke qarsylastarymyzdyń paıdasynan sheshildi. Esep – 0:2.
Úshinshi oryn kezdesýde bizdiń qyzdar Italııanyń «EVB Eagles South Tyrol» komandasynan aılasyn asyrdy. Esep – 2:1. Sóıtip, bıylǵy Eýrolıga jarysynda «Aısulýdyń» arýlary qola medaldi ıelendi.