Asa aýyr salmaqta kúsh synasyp júrgen amerıkalyq Deonteı Ýaılder men ulybrıtanııalyq Taıson Fıýrı maýsym aıynyń bel ortasynda qaıta judyryqtasady. Bul aqparatty áıgili promoýter Bob Arým jarııalap otyr.
Qos alyp ózara eki márte kúsh synasty. 2018 jyldyń 1 jeltoqsanynda AQSh-tyń Los-Andjeles qalasynda ótken alǵashqy jekpe-jekte teń esep tirkeldi. Desek te sol saıysta Fıýrıdiń eki ret nokdaýn alǵanyn da aıta ketken abzal.
Kelesi jekpe-jek bıylǵy jyldyń 22 aqpanynda Los-Andjelestegi áıgili Medıson Skver Garden kesheshinde uıymdastyryldy. Bul báseke jetinshi raýndta aıaqtalyp, Taıson Fıýrı aıqyn jeńiske qol jetkizdi. Osylaısha, Deonteı Ýaılder óziniń sporttyq mansabynda alǵash ret jeńilistiń kermek dámin tatyp qana qoımaı, WBC nusqasynyń chempıondyq belbeýinen aıyryldy.