Qazaqstandyq avtomobıl joldary salasynyń mamandary Reseıdiń Astrahan qalasynda ótken halyqaralyq ǵylymı-tájirıbelik konferensııaǵa qatysty. Shara aıasynda birneshe elden kelgen 200-ge jýyq sarapshy avtomobıl joldary salasyn tıimdi damytýdyń amaldary men joldaryn talqylady. Bul týraly Indýstrııa jáne ınfraqurylymdyq damý mınıstrliginiń baspasóz qyzmeti habarlady.
Kún tártibine qoıylǵan basty suraq – shaǵyn jáne orta kópir qurylystaryn jóndeý jáne rekonstrýksııalaý jumystaryn uıymdastyrý. Búgingi tańda atalmysh másele konferensııaǵa qatysqan ár el úshin óte ózekti. Qazaqstan, Reseı jáne Germanııa ókilderi kópirlerdi jóndeýge qatysty suraqtardy sheshý tájirıbesimen bólisip, óz elderindegi avtomobıl joldary jáne kólik salalaryn damytýdyń negizgi baǵyttary týraly aıtyp berdi. Sondaı-aq, kezdesý barysynda kadrlyq áleýet, sıfrlandyrý, jobalyq-smetalyq qujattamany ázirleý, kópir qurylystaryn dıagnostıkadan ótkizý jáne kútip ustaý máseleleri qaralǵan bolatyn.
Aıta ketý kerek, búgingi tańda Qazaqstandaǵy respýblıkalyq mańyzǵa ıe avtomobıl joldarynda 1277 kópir bar. 2019 jyly 5 kópir kúrdeli jóndeýden ótkizildi. Bıyl jańa 148 kópir salynyp, 5 kópir kúrdeli jóndeýden ótetin bolady.