Qazaqstannyń tanymal bylǵary qolǵap sheberi Tursynbaı Qulahmettiń kásipqoı rıngte kúsh synasýǵa bel býǵany jaıynda biz buǵan deıin de habarlaǵanbyz.
Endi 26 jastaǵy Syr boıy sańlaǵynyń kásipqoılar arasynda naqty qaı kúni óziniń tusaýkeser kezdesýin ótkizetini belgili boldy. Ol MTK Global Kazakhstan kompanııasynyń muryndyq bolýymen 28 naýryzda Almatydaǵy «Halyq Arena» sport kesheninde ótetin boks keshinde sharshy alańǵa shyǵady. Bul jaıynda aıtýly kompanııanyń bas bapkeri Qanat Áltaev habarlady. Al Qulahmettiń qarsylasy kim bolatyny ázirge naqtylanǵan joq.
Tursynbaı Qulahmet áýesqoı rıngte ózin moıyndatqan saqa sportshy. Ol – 2019 jylǵy álem chempıonatynyń qola júldegeri, Azııa chempıony. Sondaı-aq, 2017 jyly qandasymyz Bakýde alaýy tutanǵan Islam Yntymaqtastyǵy oıyndarynda bas júldeni oljalady.