Kez kelgen memlekettiń bastaý alar núktesi – memlekettik shekara. Eldiń tynyshtyǵy memlekettik shekaranyń berik kúzetilýimen tikeleı baılanysty. 1992 jyldyń 18 tamyzynda Qazaqstan Respýblıkasynyń Prezıdenti N.Á.Nazarbaevtyń Jarlyǵymen shańyraq kótergen UQK Shekara qyzmeti osy jyldar aralyǵynda talaı belesterdi artqa tastady. Mereke qarsańynda biz QR UQK Tóraǵasynyń orynbasary – Shekara qyzmetiniń dırektory, general-leıtenant Nurlan JOLAMANOVPEN kezdesip, shekarashylardyń búgingi tynys-tirshiligi jaıly suhbattasqan edik.
Kez kelgen memlekettiń bastaý alar núktesi – memlekettik shekara. Eldiń tynyshtyǵy memlekettik shekaranyń berik kúzetilýimen tikeleı baılanysty. 1992 jyldyń 18 tamyzynda Qazaqstan Respýblıkasynyń Prezıdenti N.Á.Nazarbaevtyń Jarlyǵymen shańyraq kótergen UQK Shekara qyzmeti osy jyldar aralyǵynda talaı belesterdi artqa tastady. Mereke qarsańynda biz QR UQK Tóraǵasynyń orynbasary – Shekara qyzmetiniń dırektory, general-leıtenant Nurlan JOLAMANOVPEN kezdesip, shekarashylardyń búgingi tynys-tirshiligi jaıly suhbattasqan edik.
– Nurlan Aıtmanuly, Shekara qyzmetiniń basshylyǵyna kelgenińizge jeti aıdyń júzi boldy. Bul az da, kóp te ýaqyt emes. Al qyzmetińizdi neden bastadyńyz?
– Qazaqstan Respýblıkasynyń Prezıdenti – Qarýly Kúshterimizdiń Joǵarǵy Bas Qolbasshysy Nursultan Ábishuly Nazarbaevtyń О́kimimen UQK Tóraǵasynyń orynbasary – Shekara qyzmetiniń dırektory bolyp taǵaıyndalǵanyma, jańa ózińiz aıtqandaı, jetinshi aıdan asyp barady. Shekara qyzmetine basshylyqqa kelgenimde, vedomstvodaǵy jaǵdaı kópke belgili edi. Osynyń aldynda ǵana, 2012 jyldyń jeltoqsan aıynda UQK Shekara qyzmetiniń bir top bilikti ofıserleri ushaq apatynan mert boldy. О́tken jazdaǵy «Arqankergen» shekara beketindegi oryn alǵan tótenshe oqıǵa da shekarashylar jaıly qalyptasqan qoǵamdyq oń pikirge kóleńke túsirdi.
Qandaı jaǵdaı oryn almasyn, Shekara qyzmetine memlekettik shekarany syzatsyz kúzetý mindeti júktelgenin umytpaýymyz kerek. Ústimizdegi jyldyń 30 qańtarynda Prezıdent N.Á.Nazarbaevtyń tóraǵalyǵymen ótken quqyq qorǵaý organdary jetekshileriniń basyn qosqan jınalystaǵy mindetter men talaptardy barlyq deńgeıdegi basshylarǵa jetkizý maqsatynda aqpan aıynyń basynda aýqymdy jınalys ótkizdik. Esińizge sala keteıin, ótken jyldyń jeltoqsanyndaǵy Memleket basshysynyń «Qazaqstan-2050» Strategııasy – qalyptasqan memlekettiń jańa saıası baǵyty» atty Joldaýynda: «Shekara qyzmetiniń aýqymdy reformasyn júrgizý kerek. Mindet – onyń tıimdiligin arttyrý, materıaldyq-tehnıkalyq bazasyn jańǵyrtý. Bul úshin Qaýipsizdik Keńesine meniń Ákimshiligimmen jáne Úkimetpen birlesip, Shekara qyzmetin damytýdyń jáne memlekettik shekarany orta merzimdi kezeńde ornyqtyrýdyń arnaıy keshendi josparyn ázirleýdi tapsyramyn», – dep kórsetilgen edi.
Osy jınalys barysynda Memleket basshysynyń naqty tapsyrmasyn júzege asyrýǵa qatysty kóptegen mindetterdi saraladyq. Shekara qyzmetindegi oryn alǵan tosyn jaǵdaılardyń sebebin jan-jaqty zertteı kele, onyń oryn alý sebebin anyqtadyq. Barlyǵymyz áskerı kıim kıip, memleket aıryqsha tapsyrmalar júktegen áskerı qyzmetshiler bolǵan soń, áskerı qyzmettiń ómir súrý men is-áreketiniń negizgi qaǵıdasy bolyp tabylatyn Qazaqstan Respýblıkasy Qarýly Kúshteriniń, basqa da áskerleri men áskerı qurylymdarynyń, jalpy, áskerı jarǵylarynyń tıisti talaptaryn joǵary deńgeıde oryndaýǵa tıispiz. Búkil kemshilikterdiń negizi osy jarǵy talaptaryn oryndamaýdan bolyp otyr. Sondyqtan da, barlyq áskerı qyzmetshiler el Prezıdenti 2007 jyldyń 5 shildesi kúni bekitken áskerı Jarǵy talaptaryn oryndaýdy qatań baqylaýǵa alýdy tapsyratyndyǵymdy jetkizdim.
Al qyzmetke taǵaıyndalǵan soń,