Eki eldiń arasyndaǵy tikeleı áýe qatynasyn ashýǵa baǵyttalǵan kúsh-jigeri aıasynda Elshi Aıdarbek Tumatov Iordanııanyń Týrızm jáne kóne mura mınıstrliginiń Bas hatshysy Imad ál-Hıdjazınmen kezdesti. Bul týraly Syrtqy ister mınıstrliginiń baspasóz qyzmeti habarlady.
«SCAT» áýekompanııasynyń Vıse-prezıdenti Vladımır Sytnık pen birqatar qazaqstandyq týroperatorlardyń qatysýymen ótken kezdesý barysynda týrızm salasyndaǵy, onyń ishinde charter reısin ashý jáne týrıstik kompanııalar men eki eldiń tıisti qurylymdary arasyndaǵy baılanysty damytý arqyly ekijaqty qatynastardy nyǵaıtý perspektıvalary talqylandy.
Kelissózderdiń qorytyndysy boıynsha taraptar ózara týrıstik aǵymyn arttyrýǵa jáne eki eldiń mádenı baılanystaryn damytýǵa baǵyttalǵan áreketterdi ózara úılestirýge nıet bildirdi.