Elorda ákimi Altaı Kólginov ata-anasynyń qamqorlyǵynsyz qalǵan, turǵyn úı kezeginde turǵan balalar úıiniń túlekterimen kezdesti. Ákimniń jeke qabyldaýynda ár adam ózin tolǵandyrǵan máselesin aıtty. Turǵyn úı máselelerin, qosymsha bilim men medısınalyq kómek alý, jumysqa ornalasý, biliktilikti arttyrý máseleleri talqylandy. Bul týraly qala ákimdiginiń baspasóz qyzmeti habarlady.
Elorda ákimi Altaı Kólginov jumys ár baǵyt boıynsha júrgizilip jatqanyn atap ótti. Qala ákimi memleket basshysynyń tapsyrmasyna sáıkes qoljetimdi turǵyn úı qurylysynyń kólemi 3 ese artatynyn aıtty. Kezdesýde qala turǵyndary ákimge áleýmettik sharalardy qoldaǵany úshin alǵysyn bildirdi. 28 naýryzdan bastap barlyq kámeletke tolmaǵandar úshin jol júrý tegin bolady.
Ákim jáne ákimniń orynbasarlary, basqarma basshylary jáne aýdan ákimderi azamattardy turaqty túrde qabyldaıdy. Qabyldaýlar «Januıa» otbasy ınstıtýtyn qoldaý ortalyǵynda, «Nur Otan» partııasynyń qalalyq fılıalynda ótedi.