Elimizde bolyp jatqan ár túrli oqıǵalarǵa sergek qaraıtyn “Nur Otan” HDP Aqtóbe oblystyq fılıaly Almaty oblysy Aqsý aýdanyndaǵy Qyzylaǵash aýylynda tasqyn sýdan bolǵan qaıǵyly oqıǵaǵa alǵashqylardyń qatarynda kómek qolyn sozýǵa umtyldy. Fılıaldyń jáne onyń aýdandardaǵy bólimsheleriniń qyzmetkerleri bir kúndik jalaqylaryn tabıǵat apatynan zardap shekken Qyzylaǵash aýylynyń turǵyndaryna kómek qoryna aýdardy. Fılıaldyń uıtqy bolýymen oblystyq jáne qalalyq máslıhat depýtattarynyń, bastaýysh partııa uıymdary, ókiletti jáne atqarýshy bılik organdary, kommersııalyq qurylymdar ókilderiniń, qala turǵyndarynyń, oqýshy-stýdent jastardyń qatysýymen zardap shekkender úshin qarjy jáne jyly kıim jınaý boıynsha aksııa ótkizildi. Jalpy, Aqtóbe qalasy boıynsha ústimizdegi jylǵy 26 naýryzǵa deıin 182444235 teńgeniń ónimderi men kıimderi, bir bóligi qarjylaı jınaldy. Onyń 407 myń teńgesi qarjylaı kómek. Qalǵandary – azyq-túlik, kıim-keshek, qurylys materıaldary, ár túrli zattar. 88 qap pen qorapqa salynǵan kıimder, 220 qorap azyq-túlik bir vagonǵa tıelip, Almaty oblysyndaǵy Qyzylaǵash aýlyna jóneltildi. Oblys turǵyndarynan qyzylaǵashtyqtarǵa kómekke jyly kıimder men qarjy áli túsýde.
Budan basqa kómek qoryna oblystyq ákimdik – 120000000, “Qazaqstan temir joly” AQ 22000000, “Avtopark” JShS 1000000, “Transenergo” AQ jáne Aqtóbe memlekettik pedagogıkalyq ınstıtýty 500000 teńge, basqa da kásiporyndar men mekemeler óz múmkindigine qaraı qarjy aýdarǵan. Al “Aqtóbe halyqaralyq áýejaıy” AQ 1100000 teńgeniń jyly zattaryn bergen. Qaıyrymdylyq sharasynan jekelegen azamattar qalys qalmaýda. Olardyń qatarynda zeınetker G.Tólepbergenova, kóp balaly ana N. Shynǵalıeva, jeke kásipker D.О́tepqyzy jáne basqalar bar.
Satybaldy SÁÝIRBAI, Aqtóbe oblysy.