Halyqaralyq shaıbaly hokkeı federasııasynyń (IIHF) sheshimimen ústimizdegi jyldyń naýryz aıynda jalaýy jelbireýge tıis alty birdeı álem birinshiligi belgilengen merzimde ótpeıtin boldy.
Onyń sebebi – álemniń birqatar memleketinde koronavırýs dertiniń órshýi. Aınaldyrǵan eki-úsh aı ǵana ýaqyt aralyǵynda talaı adamnyń ómirin jalmaǵan indetten saqtaný maqsatynda atalmysh uıym osyndaı qadamǵa barýǵa májbúr bolyp otyr.
Osy úreıli jaǵdaıdyń saldarynan Tallın, Sofııa, Ystambul, Kokelshıoe qalalarynda uıymdastyrylýǵa tıis túrli dıvızondaǵy jas órenderdiń (U18) álem birinshilikteri ótpeıtin boldy. Sol sekildi burymdylar arasyndaǵy eki birdeı dúbirli doda da keıinge shegerildi. Taǵy bir aıta keterligi, 28 naýryz ben 4 sáýir aralyǵynda Polshanyń Katovısa qalasyndaǵy birinshi dıvızıondaǵy komandalardyń dúnıejúzilik dodasyna Qazaqstannyń áıelder quramasy da qatysýǵa tıis edi.