Sybaılas jemqorlyqqa qarsy is-qımyl agenttiginiń Shymkent qalasy boıynsha departamentiniń Aldyn alý basqarmasynyń basshysy N.Qasymbekov, Sottar ákimshisi basshysynyń m.a. A.Omarova jáne sot mamandary qatysty.
Kezdesý barysynda sot qyzmetkerleri arasyndaǵy sybaılas jemqorlyqtyń aldyn alý, adaldyq, ádildik, halyqtyń senimin aqtaý jaıy sóz boldy.
Sonymen qatar, «Memlekettik qyzmet jáne sybaılas jemqorlyqqa qarsy is-qımyl máseleleri boıynsha Qazaqstan Respýblıkasynyń keıbir zańnama aktilerine ózgerister men tolyqtyrýlar engizý týraly» Zańǵa engizilgen jańashylyqtar keńinen túsindirildi.
Aqparattyq-aǵartýshylyq Shtabynyń jumysymen, qyzmetimen tanystyrǵan Sáken Májinbekov, shtabtyń mindeti halyq arasynda, quqyq qorǵaý jáne memlekettik organdarda, sondaı-aq jas býyn arasynda parasattylyq mádenıetin qalyptastyrý boıynsha keń aqparat taratý bolyp tabylatyndyǵyn jetkizdi.
О́z kezeginde N.Qasymbekov turmystyq sybaılas jemqorlyqty joıýǵa baǵyttalǵan «Shymkent-adaldyq alańy» jobalyq keńsesimen júzege asyrylyp otyrǵan jobalarǵa toqtalsa, Memlekettik qyzmet isteri agenttiginiń qalalyq departamentiniń basqarma basshysy E.Jumabaev memlekettik qyzmetshilerdiń ádebin aıtyp ótti.
Jıyn barysynda qatysýshylar sybaılas jemqorlyqqa qarsy is-qımyl máseleleri boıynsha aqparatty senip qaldyrýǵa nemese keńes alýǵa bolatyn Sybaılas jemqorlyqqa qarsy is-qımyl agenttiginiń 1424 Call-ortalyǵymen tanystyrylyp, ózderin qyzyqtyrǵan suraqtarǵa jaýap aldy.