“Apat aıtyp kelmeıdi” degendeı, Almaty oblysyndaǵy tosyn apat aqmolalyqtardyń da qabyrǵasyna qatty batty. Oblystyq máslıhattyń kezekten tys sessııasynda sý tasqynynan zardap shekkenderge kómek retinde 50 mıllıon teńge qarjy bólý týraly sheshim qabyldandy. “Nur Otan” HDP oblystyq fılıalynda arnaıy shtab qurylyp, aýdandar men eldi mekenderden kıim-keshekter jınalyp, aqsha aýdarylýda. Qazirdiń ózinde bir vagon azyq-túlik pen qajet zattar jóneltildi.
Budan tysqary barlyq mekemeler men eńbek ujymdary bir kúndik eńbekaqylaryn aýdaryp jatyr. Máselen, oblystyq sottyń qyzmetkerleri 2 mıllıon teńge, “Qazposhtanyń” oblystyq fılıaly 11 mıllıon teńge bóldi. “Dıas” tigin fabrıkasynyń, “Arman” toqyma fabrıkasynyń, “KamAZ-Injınırıng” AQ, “Kókshe polıgrafııa” seriktestigi, “Kókshetaý mıneraldy sýlary”, “Esil Agro” fırmalary, taǵy basqa kásipkerlik qurylymdary jomarttyq tanytýda. Al, Kókshetaýdaǵy “Qyzyl krest” qoǵamdyq uıymynyń ókilderi alǵashqy kúnnen bastap qyzylaǵashtyq baýyrlardyń ortasynda júr.
Oblysta apat zardaptaryn joıýǵa baǵyttalǵan kómek-qoldaý jalǵasa bermek. Sondaı-aq, shyǵysqazaqstandyqtarǵa da qoldan kelgen qoldaý sharalary jasalatyn bolady.
Baqbergen AMALBEK, Aqmola oblysy.