Keshe túngi 00:30 shamasynda «Qyzylorda-Jalaǵash» tas jolynyń Syrdarııa aýdanyndaǵy Qaljan Ahýn aýyly tusynda «Vaz-21214 Nıva» markaly avtokóliginiń júrgizýshisi qarsy baǵytqa shyǵyp ketip, «Opel Vektra» avtokóligine soqtyǵysqan.
Saldarynan úsh adam qaıtys bolyp, bes adam jaraqat aldy. Bul týraly oblystyq polısııa departamentiniń baspasóz qyzmeti habarlaıdy.
Qazir atalǵan derek boıynsha Qylmystyq Kodekstiń 345-babynyń 4-bóligimen (abaısyzda eki adamnyń nemese odan da kóp adamnyń ólimine ákep soqqan jol júrisi qaǵıdalaryn buzý) sotqa deıingi tergep-tekserý amaldary júrgizilýde.
Qylmystyq is boıynsha barlyq qajetti sot saraptamalary taǵaıyndalyp, oqıǵanyń mán-jaıy anyqtalýda.