2020 jylǵy 3 naýryzdan bastap «Qazaqstannyń avıasııalyq ákimshiligi» AQ bazasynda koronavırýsqa qatysty jaǵdaıdy baqylaýǵa baǵyttalǵan ahýaldyq ortalyq josparly túrde jumys isteı bastady. Ortalyqta Qazaqstanǵa turaqty jáne turaqty emes áýe qatynastary bar elderde ınfeksııa juqtyrǵan adamdardyń statıstıkasyna baqylaý júrgiziledi. Bul týraly IIDM Azamattyq avıasııa komıtetiniń baspasóz qyzmeti habarlady.
El úkimeti koronavırýstyń el aýmaǵyna taralýyn boldyrmaý úshin sharalar qabyldaýda. 2020 jylǵy 1 naýryzdan bastap karantındik is-sharalar qoldanylatyn elderdiń tizbesi keńeıýine baılanysty sol elderden kelgen jolaýshylarǵa 4-shi kúsheıtý kezeńi engizildi. Qazaqstan men Qytaı arasyndaǵy barlyq turaqty reıster (aptasyna 34 reıs) 3 aqpannan bastap toqtatyldy.
«2020 jylǵy 1 naýryzdan bastap Nur-Sultan – Seýl jáne Almaty – Seýl baǵyttary boıynsha turaqty reısterdiń sany aptasyna 9-dan 3 reıske deıin qysqardy. «Eır Astana» áýe kompanııasynyń Nur-Sultan – Seýl baǵyty aptasyna 2-den 1 reıske deıin, Almaty – Seýl baǵyty boıynsha aptasyna 5-ten 1 reıske deıin jáne «Asiana Airlines» áýe kompanııasynyń reısi 2-den 1 reıske deıin shekteldi. «Mahan Air» áýe kompanııasynyń Almaty – Tegeran baǵyty boıynsha reıster 1 naýryzdan bastap (aptasyna 1 reıs) toqtatyldy. Sondaı-aq, 5 naýryzdan bastap Nur-Cultan – Baký baǵyty toqtatylady. Almaty-Baký reısi 5–ten 1 reıske deıin («Eır Astana» 3-ten reıske 1 deıin, «Azerbaijan Airlines» 2-den 1 reıske deıin), Aqtaý — Baký reısi 7-den 1 reıske deıin (SCAT) shekteledi. «SCAT» áýe kompanııasynyń Nur-Sultan – Tokıo baǵyty 2-den 1 reıske deıin shekteledi», delingen habarlamada.
Atalǵan reısterdiń toqtatylýyna baılanysty, 2020 jylǵy 1 naýryzdan bastap joǵaryda kórsetilgen reısterge bıletteri bar jolaýshylar áýe bıletterdi satyp alý orny boıynsha aıyppulsyz jáne tolyq kólemde qaıtara alady.
Jolaýshylar áýe bıletterdi qaıtarý máselesi boıynsha keńes alý úshin «Qazaqstannyń avıasııalyq ákimshiligi» AQ-da 8 (7172) 64 58 41 nómiri boıynsha jedel jeli telefony jumys isteıdi. Jumys ýaqyty jumys kúnderi (5/2) saǵat 9.00-dan 18.00-ge deıin.