Qazaqstan Respýblıkasy Prezıdentiniń Jarlyǵy

Ákimderdiń halyqqa esep berý kezdesýlerin ótkizý týraly

«Qazaqstan Respýblıkasynyń Prezıdenti týraly» 1995 jylǵy 26 jeltoqsandaǵy Qazaqstan Respýblıkasy Konstıtýsııalyq zańynyń 17 jáne 21-baptaryna sáıkes jáne qazaqstandyq qoǵamdy odan ári demokratııalandyrý, halyqty elde júrgizilip jatqan reformalar týraly habardar etý, atqarýshy organdardyń halyq aldyndaǵy jaýapkershiligi men eseptiligin arttyrý, halyqty memlekettik basqarý prosesine keńinen tartý maqsatynda qaýly etemin:

Ákimderdiń halyqqa esep berý kezdesýlerin ótkizý týraly

«Qazaqstan Respýblıkasynyń Prezıdenti týraly» 1995 jylǵy 26 jeltoqsandaǵy Qazaqstan Respýblıkasy Konstıtýsııalyq zańynyń 17 jáne 21-baptaryna sáıkes jáne qazaqstandyq qoǵamdy odan ári demokratııalandyrý, halyqty elde júrgizilip jatqan reformalar týraly habardar etý, atqarýshy organdardyń halyq aldyndaǵy jaýapkershiligi men eseptiligin arttyrý, halyqty memlekettik basqarý prosesine keńinen tartý maqsatynda qaýly etemin:

1. Barlyq deńgeıdegi ákimder halyqqa esep berý kezdesýlerin ótkizip, olardyń barysynda elde júrgizilip jatqan reformalardyń iske asyrylýy, tıisti ákimshilik-aýmaqtyq birliktiń esepti kezeńdegi áleýmettik-ekonomıkalyq damýy, ony odan ári damytýdyń mindetteri men negizgi baǵyttary týraly habardar etsin.

2. Halyqqa esep berý kezdesýlerin ótkizýdiń mynadaı merzimdiligi belgilensin:

1) oblystardyń, respýblıkalyq mańyzy bar qalanyń, astananyń ákimderi – jyl saıyn birinshi toqsan ishinde;

2) aýdandardyń (oblystyq mańyzy bar qala­lar­dyń), qalalardaǵy aýdandardyń ákimderi – jar­tyjyldyqta bir ret, birinshi jáne úshinshi toqsandar ishinde;

3) aýdandyq mańyzy bar qalalardyń, aýyldyq okrýgterdiń, sondaı-aq kentter men aýyldardyń ákimderi toqsanyna bir ret, toqsannyń birinshi aıynyń ishinde.

3. Oblystardyń, respýblıkalyq mańyzy bar qalanyń, astananyń ákimderi halyqqa esep berý kez­desýleri ótkizilgen kúnnen bastap bir aıdan keshik­tirmeı tómen turǵan ákimder kezdesýleriniń esepti jyldaǵy qorytyndylaryn eskere otyryp, Qazaqstan Respýblıkasy Prezıdentiniń Ákimshiligin jáne Ykimetin onyń nátıjeleri týraly habardar etsin.

4. Qazaqstan Respýblıkasynyń Úkimeti:

1) oblystar, respýblıkalyq mańyzy bar qala, astana ákimderiniń halyqqa esep berý kezdesýlerine Qazaqstan Respýblıkasy Úkimeti músheleriniń, ortalyq memlekettik organdar, ulttyq holdıngter men kompanııalar basshylarynyń qatysýyn;

2) Qazaqstan Respýblıkasy Prezıdentiniń Ákimshiligimen kelisim boıynsha halyqqa esep berý kezdesýleriniń qorytyndylary boıynsha halyq kótergen problemalardy sheshý jóninde sharalar qabyldaýdy qamtamasyz etsin.

5. Oblystardyń, respýblıkalyq mańyzy bar qalanyń, astananyń ákimderi jáne olardyń orynbasarlary aýdandar (oblystyq mańyzy bar qalalar), qalalardaǵy aýdandar ákimderiniń jyldyń qorytyndylary boıynsha esepti jyldan keıingi birinshi toqsandaǵy halyqqa esep berý kezdesýlerine qatyssyn.

6. «Jergilikti atqarýshy organdar basshylarynyń halyqqa esep berý kezdesýlerin ótkizý týraly» Qazaqstan Respýblıkasy Prezıdentiniń 2005 jylǵy 6 sáýirdegi № 1546 Jarlyǵynyń kúshi joıyldy dep tanylsyn (Qazaqstan Respýblıkasynyń PÚAJ-y, 2005 j., № 14, 154-qujat).

7. Osy Jarlyq 2013 jylǵy 1 qazannan bastap qoldanysqa engiziledi.

Qazaqstan Respýblıkasynyń PrezıdentiN.NAZARBAEV.

Astana, Aqorda, 2013 jylǵy 15 tamyz.

№ 615.