Sársenbi kúni Ońtústik Koreıanyń Seosan qalasyndaǵy Lotte Chemical Corp zaýytynda bolǵan jarylys saldarynan 56 adam jaraqat aldy. Bul týraly Yonhap agenttigi habarlady.
О́rt sóndirýshilerdiń aıtýynsha, tańǵy saǵat 2:59-da Seosandaǵy Daesan munaı-hımııalyq kesheninde munaı krekınginiń qurylǵysy jarylyp, órt shyqqan. Tilsiz jaý saǵat 5:12-de 270 órt sóndirýshi jáne 66 arnaıy tehnıkanyń kúshimen sóndirildi. Lotte Chemical zaýytynda jarylys munaıdyń syǵylýy saldarynan boldy dep boljanyp otyr.
Jaraqattanǵandar arasynda kompanııanyń tórt qyzmetkeri men jergilikti turǵyndar bar. Kompanııanyń bergen aqparatynsha, qatty kúıik shalǵan eki adam aýrýhanaǵa jetkizildi. Qaza bolǵandar týraly aqparat kelip túsken joq.
Lotte Chemical basshysy Lım Bıýng-ıýn (Lim Byung-yun) bolǵan oqıǵaǵa baılanysty ókinishin bildirip, kompanııanyń jarylys saldaryn joıýǵa jáne ótemaqy tóleýge qatysty is-sharalar qoldanatynyn aıtty.