Búgingi jańa formasııa muǵalimi barlyq pedagogıkalyq quraldardy meńgergen, ózin-ózi jetildirýge talpynǵan, rýhanı damyǵan shyǵarmashyl tulǵa bolýy kerek.
Shıeli aýdanynyń turǵyny Sandýǵash Úsenova osy qasıetterdi boıyna sińirip, ádistemelik sheberligin shyńdaıdy. Onyń negizgi armany alǵan bilimin balalarǵa úıretetin bilim berý ortalyǵyn ashý bolatyn. Sandýǵash aýdandyq kásipkerler palatasy keńesshilerimen aqyldasa kele «Jas kásipker» jobasyna qatysady. Joba aıasynda ol jumys úderisin ońtaılandyrý, bıznesti júrgizýdiń tıimdi tásilderine qanyǵady. Teorııasy men tájirıbesi úılesim tapqan kýrstan soń jeke kásibin ashýǵa kirisedi.
Memleketten berilgen qaıtarymsyz qarjynyń arqasynda balalarǵa qajetti ortalyǵymyzǵa jańadan qural-jabdyqtar aldyq. Qazir bir topta alty baladan oqyp jatyr. Ortalyqta 100-den astam oqýshy bilimin jetildirýde. Munda balalarǵa robotehnıkany, mentaldy arıfmetıkany, orys, aǵylshyn tilderin, ata-analardyń suranysy boıynsha mektep baǵdarlamasyndaǵy úı tapsyrmalaryn oryndaý qyzmetterin kórsetýdemiz, - deıdi jas kásipker.
Jas kásipker ashqan «Daryn» balalarǵa bilim berý ortalyǵynda 6 adam jumys isteıdi. Munda múmkindigi shekteýli balalar tegin oqıdy. Aıyna bir ret ortalyq ustazdary ashyq sabaqtar ótkizip, apta saıyn balalardyń bos ýaqytyn tıimdi paıdalanýǵa arnalǵan sharalar uıymdastyryp turady.
Jas kásip ıesi aldaǵy ýaqytta joǵary synyp oqýshylaryna arnalǵan qyzmet túrlerin engizýdi josparlaýda.