Qostanaı oblysynyń Sybaılas jemqorlyqqa qarsy is-qımyl departamenti kópshilikke naýryz aıyndaǵy mereke kúnderi qarsańynda ózara tartý-taralǵy almasý tártibin túsindirdi.
Osyǵan baılanysty ótken baspasóz jıynynda «Antikor Ortalygy» mamandary sybaılas jemqorlyqtyń aldyn alý jáne qoǵamda ádep qaǵıdalaryn qalyptastyrý máseleleri jóninde sóz etti. Jıynǵa memlekettik uıymdardyń, sonymen qatar kvazımemlekettik sektordyń ókilderi qatysty.
Bul eń aldymen sybaılas jemqorlyqtyń aldyn alýǵa jáne qoǵamda parasattylyq qaǵıdalaryn qalyptastyrýǵa baǵyttalǵan bastama. «Qazaqstan Respýblıkasynyń memlekettik qyzmeti týraly» Zańyna sáıkes memlekettik qyzmetkerlerge ózderiniń memlekettik nemese soǵan teńestirilgen fýnksııalaryn atqarýǵa baılanysty qyzmet babynda ózderine memlekettik qyzmetshilerden jáne ózge adamdardan syılyqtardy nemese kórsetiletin qyzmetterdi qabyldaýyna tyıym salynady. Syılyq alǵan faktiler anyqtalǵan jaǵdaıda syılyqtardy arnaıy memlekettik qorǵa jeti kún ishinde tapsyrý qajettigin memlekettik qyzmetshilerdiń nazaryn aýdaramyz. Bulaı bolmaǵan jaǵdaıda memlekettik qyzmetshiler tártiptik, ákimshiliktik, tipti, qylmystyq jaýapkershilikke deıin tartylady, - dedi Sybaılas jemqorlyqtyń aldyn alý basqarmasynyń basshysy Rústem Bolat.
Basqarma basshysynyń aıtýynsha, eger syılyqtyń quny 2 aılyq eseptik kórsetkishten (1AEK – 2651teńge) joǵary bolsa, syılyq bergen adamǵa 200 aılyq eseptik kórsetkish mólsherinde (530200 teńge) ákimshilik aıyppul qarastyrylǵan. Al syılyq alǵan qyzmetkerge 600 aılyq eseptik kórsetkish (1 590 600 teńge) aıyppul salynady. Al odan joǵary soma para bolyp eseptelip, syı-sııapat jasaýshy men ony alýshy qylmystyq jaýapkershilikke tartylady.
Qostanaı