Ultymyzdyń ismer áıelderiniń baǵzydan kele jatqan bir óneri – tiginshilik. Osynaý ejelgi kásipti eske salyp, óskeleń urpaqty kórkemdik mektebinen ótkizý maqsatynda Shymkentte «Kórpe Fest» megafestıvali bastaldy.
Salt-dástúr merekesine qala ákiminiń orynbasary Almasbek Mamytbekov arnaıy kelip, qatysýshylarǵa sáttilik tiledi.
«Kórme» ortalyǵynda uıymdastyrylǵan is-sharaǵa kóp balaly analar jáne tigin tigip, óz kásipkerligin bastaýǵa nıet bildirgen 300-ge tarta qyz-kelinshek qatysty. Olar 6 naýryzǵa deıin kórpe, quraq quraý jáne ózge de qolóner buıymdaryn jasaýdyń qyr-syryn úırenedi.
Al aqysyz sheberlik saǵattaryn el Prezıdentiniń «Altyn sapa» syılyǵynyń jeńimpazy, «Qurmet» ordeniniń ıegeri, Respýblıkalyq aqparattyq aǵartý úgit-nasıhat shtabynyń tóraıymy Yrza Tursynzada ótkizedi. Bul is-shara qyz-kelinshekterge ulttyq qolónerdi ǵana úıretip qoımaı, áıelder arasyndaǵy jumyssyzdyqty da azaıtpaq.
Úsh kúndik festıvalde kórme-baıqaý jeńimpazdaryna syılyqtar, semınarǵa qatysýshylarǵa arnaıy sertıfıkat jáne «Amanat» áleýmettik baǵdarlamasyn júzege asyrý maqsatynda taǵaıyndalǵan «Amanat» syılyǵy tapsyrylady.
Shymkent