Almatyda Ádilet departamenti «Ádil kómek» quqyqtyq kómek jobasyn iske qosty. Atalǵan joba boıynsha quqyqtyq kómekke muqtaj kópbalaly otbasylar men áleýmettik jaǵynan az qamtylǵan januıalar tegin quqyqtyq keńes alatyn bolady.
Ádilet organdaryna mundaı usynysty «Izgilik elshisi» volonterlik qozǵalysy bildirgen. Quqyqtyń saýatsyzdyqtyń saldarynan kóp azamattar kúrmeýi kóp kúrdeli máselelerge tap bolyp jatatyny jasyryn emes. Joba azamattarǵa osynyń aldyn alýǵa kómek beredi.
–Qıyn jaǵdaıǵa túsken jandarǵa, áleýmettik jaǵynan az qamtylǵan otbasylarǵa biz tegin quqyqtyq kómek kórsetýge daıynbyz. Olarǵa bizdiń JOO zań bóliminiń stýdentteri, tájirıbeli qorǵaýshylar, zańgerler kómek kórsetetin bolady. Bolatyn sharalar týraly aqparatty áleýmettik jeliden kórýge bolady», - deıdi Ádilet departamentiniń jetekshisi Gúlnar Kokobaeva.