Qaıbir jyly Shardara aýdany, Sútkent eldi mekenindegi Syrdarııa ózeni jaǵasyndaǵy qorǵanys dambasyn tasqyn sý shaıǵan bolatyn. Jaýapty mekemeler ondaı jaıttyń bıyl qaıtalanbaıtynyn aıtýda. Oblys aýmaǵynda sý tasqyny jaǵdaıy Syrdarııamen tikeleı baılanysty bolǵandyqtan qatań baqylaýǵa alynǵan. Búgingi tańda Syrdarııa ózeniniń tómengi aǵysyna sekýndyna 66 tekshe metr sý jiberilýde. О́zen arnasynda sýdyń aǵysy qalypty, jaǵalaýdaǵy eldi mekenderge qaýip joq.
– Túrkistan oblysy aýmaǵynda sýqoımalardaǵy jaǵdaı qalypty, turaqty baqylaýda, – dedi Tótenshe jaǵdaılar departamentiniń basshysy Nurǵalı Júnisov. Jalpy, oblys boıynsha sýqoımalardyń ortasha tolýy 45-50%-dy quraıdy. Oblysta bolýy múmkin tótenshe jaǵdaıdyń aldyn alý is-sharalary der kezinde jáne sapaly oryndalýda. Sýqoımalar men ózenderge kúndelikti monıtorıng júrgizilýde. «Búginde Shardara sý qoımasynda – 4185 mln tekshe metr sý bar, tolýy – 80%, shyǵyp jatqan sý kólemi – sekýndyna 400,5 tekshe metr. Al Kóksaraı sý rettegishinde jınalǵan sý qory – 1061,88 mln tekshe metr, tolýy 35%-dy qurap otyr», dedi departament bastyǵy.
О́ńirde ornalasqan 40 sýqoımanyń 18-i respýblıkalyq, 17-si qala, aýdandyq kommýnaldyq menshikte bolsa, 5-eýi jekemenshik ıeliginde. Iаǵnı qaraýsyz qalǵan sýqoımalar joq. Syrdarııa ózeninen bastaý alatyn kanaldardyń bas tospasy bekitilgen. Qaptalǵan 53 tonna qum, 584 shatyr, 4622 kereýet, 36 myń adamǵa arnalǵan tósek-oryn daıyndalǵan. Sondaı-aq oblys aýmaǵyndaǵy ózenderdiń 26,9 shaqyrymyna jaǵa bekitý jáne arna túzeý jumystary júrgizilse, 29,9 shaqyrym qorǵanys dambasy turǵyzylypty. Aryq-atyzdardyń arnasy, kanaldar da tazartylǵan. Al Shardara sýqoımasynda júrgizilip jatqan seısmıkalyq tózimdilikti kúsheıtý jáne jóndeý boıynsha aýqymdy jumystardy aıaqtaý keler jyldyń jeltoqsanyna josparlanǵan.
Túrkistan oblysy