Jas pedıatrlar júzden astam ǵylymı joba usyndy

S.Asfendııarov atyndaǵy Qazaq Ulttyq medısınalyq ýnıversıtetiniń 90 jyl­dyǵyna oraı uıym­das­tyrylǵan shara jas ǵalym­dar­dyń ǵylymı áleýetin art­tyrýdy kózdeıdi.

Pedıatrııa jáne balalar hırýrgııasy ǵylymı ortalyǵy, «Pedıatr­lar odaǵy» qoǵamdyq bir­lestigi men S.Asfendııarov atyn­daǵy QazUMÝ-dyń balalar aýrýlary kafedrasynyń uıym­das­tyrýymen ótken konfe­ren­sııaǵa Qyrǵyzstan, Ázerbaıjan, О́zbekstan elderiniń memlekettik medısına ınstıtýttarynyń jas ǵalymdary, Nur-Sultan, Semeı, Túrkistan, Shymkent, Aqtóbe, Almaty qalalarynyń me­dı­sı­na­lyq JOO doktorant­tary men ma­gıstranttary, A.Syz­ǵanov atyn­daǵy Ult­tyq ǵy­lymı hırýrgııa orta­ly­ǵy­nyń, Akýsherlik, gınekologııa jáne perınatologııa ǵylymı ortalyǵynyń, Qazaq kóz aýrýlary ǵylymı zert­teý ıns­tı­týt­tarynyń jas izdený­shi­leri qatysty.

«Biz bul sharany jas­tar­dyń ǵylymı áleýetin art­tyrý maq­sa­tynda úsh jyl qatarynan ótkizip kelemiz. Ǵylymı-zertteý jumystary tájirı­be­men ushtasýy kerek. Erteńgi medı­sına búgingi jas­tar­dyń qolynda. Konferen­sııa balalar jasyndaǵy aýrýlardy dıagnostıkalaý, emdeý jáne aldyn alýdaǵy negizgi máselelerdi saralap, durys joldy aıqyndaýǵa múmkindik beredi dep úmit­te­nemiz. Ár dáriger qaı jerde qyzmet istese de, árqa­shan óz jumysyn saraptap, zerttep otyrýy kerek. Bul jańa, tıimdi, emdeý ádisterin qoldanýǵa, tań­daýǵa múmkindik beredi. Osy­dan úsh jyl buryn osy konferensııaǵa qa­tysqan jas izdenýshiler – bú­ginde magıs­trant­tar men doktoranttar. Aldaǵy ýaqytta olardyń ǵylymı-zertteý ju­mys­tarymen aınalysamyz deýi kóńil qýantady», deıdi Pedıatrııa jáne bala­lar hırýrgııasy ǵylymı orta­lyǵynyń basshysy Rıza Boranbaeva.

Ǵylymı jobalardy pe­dıa­t­rııa jáne hırýrgııa sala­sy­nyń bilikti mamandarynan qu­ral­ǵan qazylar alqasy saralady. Kon­fe­rensııa sońynda usy­nyl­ǵan ju­mystar «Úzdik baıandama», «Úzdik maqala», «Úzdik posterlik baıan­dama» ata­lym­dary boıynsha anyq­ta­lyp, arnaıy dıplomdarmen marapattaldy. Úzdik baıan­damalar men ǵylymı ma­qa­la­lar Pedıatrııa jáne balalar hırýrgııasy ǵyly­mı orta­lyǵyna qarasty «Pedıa­t­rııa jáne balalar hırýrgııasy» ǵylymı jýrnalynda jarııalanady.

ALMATY