Túrkistan oblysynda 610 memlekettik organ, ıaǵnı 449 jergilikti atqarýshy jáne 161 ortalyq organdardyń aýmaqtyq departamentteri jumys isteıdi. Al memlekettik laýazymdar sany – 7061, degenmen 457 oryn bos tur nemese óńirdegi jalpy shtattyń 6,4%-y bos laýazymdy quraıdy. Oblystaǵy qyzmetshilerdiń ortasha jasy - 39,7 jas.
О́ńirlik kommýnıkasııalar qyzmetinde ótken brıfıngte Memlekettik qyzmet isteri agenttiginiń Túrkistan oblysy boıynsha departamenti basshysynyń orynbasary E.Ermahanbetov qyzmetshilerdiń 93,5%-y joǵary bilimdi ekenin aıtyp ótti. Al departament basqarmasynyń basshysy N.Shyntaevtyń aıtýynsha, búginde 10 - «Bolashaq» baǵdarlamasynyń, 24 - Memlekettik basqarý akademııasynyń túlegi, 425 - orta jáne arnaýly orta bilimi bar qyzmetshiler halyqqa qyzmet kórsetýde. Memlekettik qyzmettegilerdiń 1755-i názik jandylar.
Departament qoldanystaǵy zańnama talaptaryna sáıkes, Ádep jónindegi keńester memlekettik qyzmetshilerdiń qyzmettik ádepti saqtaýdaǵy jaýapkershilik deńgeıin arttyrýdy, ádep jónindegi ýákilderdiń qyzmetin úılestirýdi qamtamasyz etedi. «О́tken jyly Ádep jónindegi keńeste qaralǵan 88 tártiptik istiń 34%-y sebepti qysqartylǵan. Jyl qorytyndysy boıynsha Ádep jónindegi keńeste 88 tártiptik is qaralyp, nátıjesinde 57 qyzmetshi ártúrli tártiptik jazaǵa tartyldy» - dedi departament basshysynyń orynbasary E.Ermahanbetov.