Densaýlyq saqtaý mınıstri Eljan Birtanov Qazaqstannyń eki azamatynan koronavırýs ınfeksııasy tabylǵanyn málimdedi.
«Úsh aıdan beri biz koronavırýsqa Qazaqstanda jol bermeý boıynsha kóp sharany iske asyrǵan edik. Biraq, ókinishke qaraı, búgin birneshe ret teksergennen keıin Qazaqstannyń eki azamatynan koronavırýs ınfeksııasy tabyldy», - dedi Eljan Birtanov OKQ-da ótken baspasóz máslıhatynda.
Mınıstrdiń aıtýynsha, Almatydaǵy laboratorııada tekserýden ótken olarda koronavırýs ınfeksııasy bary rastalǵan. Ol eki azamat Germanııadan kelgen. Qazirgi kúni pasıentterdiń jaǵdaıy jaqsy. Jalpy, epıdemııaǵa qarsy búkil qajetti sharalar engizilip jatyr. Oqshaýlaý, karantın – qajetti emdeý prosedýralary qabyldanýda.
Bas sanıtarlyq dárigerdiń qaýlysymen bul azamattar karantındik stasıonarǵa jatqyzylǵan.