Nur-Sultan qalasynyń Tilderdi damytý jáne arhıv isi basqarmasy men Kásipkerler palatasynyń birlesken memorandýmy aıasynda «Til tazalyǵy – barshaǵa ortaq is» aksııasy elordanyń tórt aýdanynda belsendi túrde júrip jatyr dep habarlady qala ákimdiginiń baspasóz qyzmeti.
Aksııa aıasynda kásipkerlerge «Qazaqstan Respýblıkasyndaǵy til týraly» zańnama talaptaryn saqtaýǵa qatysty jumystar iske asyrylýda.
Sondaı-aq qala ákimdigi tarapynan memlekettik tildegi syrtqy jarnamanyń saýattylyǵyna basty nazar aýdarylady.
Qate jarnamalar men mańdaıshalardaǵy jazbalarǵa qatysty kúndelikti Ikomek109 qyzmeti arqyly qabyldanǵan qala turǵyndarynyń ótinishteri qarastyrylyp, tıisti sharalar iske asýda. Aksııaǵa aýdan ákimdikteriniń qyzmetkerleri, Sáýlet, qala qurylysy jáne jer qatynastary basqarmasy, Tilderdi damytý jáne arhıv isi basqarmasy tarapynan arnaıy jasaqtalǵan sarapshylar toby, jergilikti ýchaskelik ınspektorlar jumyldyryldy.