Búgin Almaty qalalyq ákimdiginde bilim berý mekemeleriniń jumys isteý formaty túsindirildi. Dúnıejúzilik densaýlyq saqtaý uıymy koronavırýs pandemııasyn jarııalady. QR Prezıdenti Qasym-Jomart Toqaevtyń tapsyrmasy boıynsha Almaty qalasynyń turǵyndary arasynda koronavırýstyq ınfeksııa jaǵdaıy tirkelgen jaǵdaıda áreket etý algorıtimine sáıkes bilim berý mekemeleriniń jumys formatyna ózgerister engizildi.
Epıdemıologııalyq jaǵdaı turaqtanǵanǵa deıin qosymsha bilim berý nysandarynda (oqýshylar úıi, mýzykalyq mektepter) bilim berý prosesin júrgizýge tyıym salyndy. Sonymen qatar, balalardyń oryny saqtalady, ata-analardan oqý aqysy alynbaıdy.
Jalpy, Almatyda 266 mektep, 80 kolledj bar. 16 naýryzdan bastap mektepterde demalys jarııalandy. Oqýshylarǵa demalys kezinde ekskýrsııaǵa barýǵa tyıym salyndy. Kolledj stýdentteri 16 naýryzdan bastap qashyqtan bilim alýǵa kóshedi.
Bilim berý salasyndaǵy qyzmetkerler boıynsha 3 sanat anyqtaldy:
1) ákimshilik-basqarý qyzmetkerleri – basshy, orynbasarlar jáne tehnıkalyq qyzmetkerler ádettegi rejımde jumys isteıtin bolady;
2) pán muǵalimderi – úıde otyryp, qashyqtan jumys isteı alady. Bul rette olardyń jalaqysy tolyq kólemde saqtalady;
3) aqyly eńbek demalysyn rásimdeýge tilek bildirgen qyzmetkerlerdiń qalaýy tolyq qanaǵattandyrylady.
ALMATY